AQSH-tyń Independens qalasynyń mektep oqýshysy Kılan Shılı bilim berý mekemesin satý jóninde málimdeme jasap, ınternetke jarnama bergen. Bul týraly Fox habarlaıdy.
18 jastaǵy amerıkalyq mektep janynda fýtbol alańy bar ekenin, sonymen birge ǵımarattan alys emes jerde sýpermarket, avto turaqtyń bar ekenin málimdemesinde kórsetken.
Metkepti satýdaǵy sebepti jas jigit onda oqýshylardyń azaıyp bara jatqanyn aıtyp túsindirgen. 20 bólmeli ǵımarat úshin Shılı 120275 dollar suraǵan.
Jarnamany polısıa kórip, mán-jaıdy anyqtamaq bolypty. Shılıdiń aıtýynsha, "oqýshylar azaıyp bara jatyr" degen tirkespen ol osy jyly mektepti bitiretinin aıtqysy kelgen.
Belgili bolǵandaı, polısıa jalǵan aqparat taratqany úshin jas jigitti qylmystyq jaýapkershilikke tartpaı, jaı ǵana ınternettegi jarnamasyn joıýdy talap etken. Desek te, mektep ákimshiligi bulaı qaljyńdaǵan oqýshyny mektepten shyǵaryp, bitirý keshine kelýge tyıym salǵan.
