Aqtóbe Qazaqstandaǵy Qazposhtada sıfrlyq keńsesi ashylǵan tórtinshi qala boldy. Mundaı bólimsheler qazirdiń ózinde Astana, Almaty jáne Qaraǵandyda jumys jasaıdy.

      Oblys ákimi Berdibek Saparbaev «Halyqtyq keńseniń» ǵımaratynda ornalasqan sıfrlyq keńseniń múmkindikterimen tanysty. Óńir basshysyna gıbrıdti bankomat jumysy men adam betterin tanyp, suraqtarǵa jaýap bere alatyn vırtýaldy kómekshi Sáýle men robot Qýanyshtyń jumysy tanystyryldy.

       Osyndaı keńselerdiń bireýi 20-ǵa jýyq qyzmetkeri bar bútin bir poshta bólimshesiniń jumysyn almastyra alady. Sonymen birge sıfrlyq keńseniń jumysymen tanysý kezeńinde klıentterge qadaǵalaý jáne tanystyrý úshin tek eki qyzmetker qyzmet kórsetedi. Bolashaqta munda qyzmet kórsetý 24/7 jumys rejımimen ózin-ózi qamtamasyz etý formatynda usynylatyn bolady.

 - Sıfrlyq bólimge kelýshilerge operatorlar emes robottar qyzmet kórsetedi jáne bul jerde barlyq qyzmetti óz betimen alýǵa bolady. Kommýnaldyq tólemderdi tóleý jáne sálemdeme jiberý, tólem kartalaryn birneshe mınýt ishinde alýǵa bolady, - dedi «Qazposhta» AQ basqarma tóraǵasy Sáken Sársenov.

     Sonymen qatar, sıfrlyq keńsege kelýshiler «Elektrondy kasır» júıesiniń postamattary men qyzmetterin paıdalana alady.

       - Aqtóbe oblysynda Memleket basshysynyń tapsyrmasy aıasynda sıfrlyq tehnologıalardy ómirdiń barlyq salalarynda jáne óndiriske engizý boıynsha belsendi jumystar júrgizilýde. Olardyń negizgi maqsaty - ekonomıkanyń básekege qabilettiligin kóterý, azamattarǵa kórsetiletin qyzmetterdiń sapasy men qoljetimdiligin arttyrý, - dedi oblys ákimi.

      Ol atalmysh jumystyń oblys aýdandarynda jalǵasatynyn atap ótti. Osy baǵytta «Qazaqtelekom» AQ-men aýyldyq eldi mekenderdi joǵary jyldamdyqtaǵy Internetpen qamtamasyz etý jumysy júrgizilýde.

      «Qazposhta» AQ derekteri boıynsha bıyl osyndaı 8 bólim ashý.