«Bıznestiń jol kartasy–2020»  memlekettik baǵdarlamasy eki baǵytta atqarylýda.

Almaty qalasynyń Óńirlik kommý­nıka­sıalar qyz­metinde «Damý» KDQ Almaty qalasy fı­lıaly dırek­to­rynyń orynba­sary Edige Sáýlebek­uly  Mar­ǵulannyń qatys­ýy­men brı­fıng ótti.

Edige Sáýlebekulynyń aqparatyn­sha, Qazaqstannyń shaǵyn-orta bız­nesiniń sapaly túrde damýyna jár­dem­desý Qordyń mısıasy bolyp tabylady.

«Damý» qory óz mısıasyn júzege asyrý maqsatynda damýdyń eki negizgi strategıalyq baǵyttary boıynsha jumys isteıdi:

1) İsin jańa bastaǵan jáne bıznesi bar kásipkerlerdi qoldaý:

2) Qordyń turaqty ınstıtýsıo­naldyq damýy.

«Damý» kásipkerlikti damytý qorynyń Almaty qalasy boıynsha aýmaqtyq fı­lıaly óz jumysyn 2007 jyly 1 maýsym­nan basta­ǵan bolatyn. 2010 jyldan bastap qor «Bıznestiń jol kartasy–2020» memlekettik baǵdarlama­synyń qarjylyq agenti jáne opera­tory boldy. Bul baǵdarla­manyń basta­mashysy Elbasy ekeni belgili. Baǵ­dar­lama kásipker­lerdiń basty máselelerin sheshýge arnalǵan. Olardyń biri – nesıelerdiń qym­battyǵy  jáne kepil­diktiń jetispeý­shiligi.

«Bıznestiń jol kartasy – 2020» memle­kettik baǵdarlamasy  eki baǵyt­qa – qarjylaı jáne qarjylaı emes qoldaý bolyp bólinedi.  Qar­jylaı qol­daýǵa paıyzdyq mól­sherlemeni sýbsı­dıalaý jatady, bul degenimiz búdjet­ten óteýsiz negizde beriletin nesıe boıynsha syıaqynyń bóligi.

«Bıznestiń jol kartasy – 2020» – bıznesti qoldaý men damytýdyń biryńǵaı baǵdarla­masynyń 2017 jylǵy 29 qańtardaǵy №168 qaýly­syna sáıkes ózgeristeri men tolyq­tyrý­laryna sáıkes,  sýbsıdıalaý QR Ulttyq Banki belgilegen bazalyq syıaqy mólsher­lemesinen aspaı­tyn, 5 (bes) paıyzǵa ulǵaıǵan. Memleket  osy 5 paıyzdy qosyp, nesıeniń 40 paıyzyn  sýbsı­dıalaıdy, al qalǵan aıyrmasyn kásipker tóleıdi. Bul  kredıttik shart­tar boıynsha ǵana júzege asyrylady, IIDMB (GPPIIR) boıynsha óńdeý óner­kásibiniń basym salalarynda jáne kórsetiletin qyzmetterdiń jekelegen túrlerinde óz jobalaryn iske asyratyn jáne (nemese) iske asyrýdy josparlap otyrǵan tıimdi kásipkerler úshin – 50% sýbsıdıa. Sýb­sıdıalaý merzimi 5 jylǵa deıin. Prolon­gasıasyz.

Investısıalarǵa baǵyttalǵan kre­dıt­tik sharttary boıynsha sýbsı­dıalaý merzimin uzartý quqyǵynsyz 5 jyldy quraıdy, – dep málimdedi Edige Sáýlebekuly.