Almatyda halyq qalaýlylary ardagerlerdi quttyqtady.

Uly Otan soǵysynyń jeńispen aıaqtal­ǵanyna da 73 jyl toldy. Bul  sol kezdegi keńes halqynyń erjúrektiligi men tózimdilikterin pash etetin, tarıhta máńgilik qalatyn kún.

Bul kúndi soǵystyń alǵy shepterinde qaısarlyqpen shaıqas júrgizip, erliktiń san úlgisin kórsetken ardagerler toılaıdy. Bul meıramdy ózderiniń tyldaǵy qajyrly eńbegimen jeńisti shyńdaǵan tyl eńbekkerleri toılaıdy. Osyndaı ardager apa-atalarymyzǵa syı-qurmet kórsetý, qajet ýaqytynda jandarynan tabylý bizdiń paryzymyz. Osy oraıda Almaty qalalyq máslıhat depýtattary Q.Sársen­baı, F.Merhamıt­qyzy, N.Nıazova, Z.Kasanov «Nur Otan» partıasy Alataý aýdandyq fılıalynyń qyzmetkerlerimen birge «Ardagerlerdi ardaqtaıyq» partıa­lyq jobasy aıasynda aýdandaǵy birneshe ardagerlerdi Jeńis kúni merekesimen quttyqtady. Máslıhat depýtattary óz taraptarynan daıyndaǵan syılyqtaryn tabystap, ardagerlerdiń hal-jaǵdaıla­ryn bilip qaıtty. Ardager apa-atalary­myzdyń surapyl soǵys jylda­rynda bastan keshken qıyn kezeń­deri men oqıǵalaryn tyńdap, olardyń maıdandaǵy erlikteri men qaıtpas qaısarlyqtary eshqashan umytylmaı­tynyn jetkizdi. Óz kezeginde ardager apa-atalarymyz alǵystaryn bildirip, aq batalaryn berdi.