6 maýsymda London qalasyndaǵy Iork-holl ortalyǵynda Olımpıada chempıony Danıar Eleýsinov kásibı bokstaǵy ekinshi jekpe-jegin ótkizedi. Boksshynyń qarsylasy ázirge belgisiz.

«Habar» telearnasy bul kezdesýdi 6 maýsymnan 7 maýsymǵa qaraǵan túni saǵat 03.30-da tikeleı efırden kórsetedi, dep habarlaıdy Qamshy.kz aqparat agenttigi.

Qazirgi tańda Danıar Florıdadaǵy jattyǵý alańynda óziniń jeke bapkeri Djon-Devıd Djeksonnyń jetekshiligimen daıyndalyp jatyr. Sondaı-aq taıaý ýaqytta Danıardyń jattyǵý alańyna ákesi, jattyqtyrýshy Marat Eleýsinov pen aǵasy, orta salmaqta óner kórsetetin, kásibı bokser Dáýren Eleýsinov te qosylady.

«Florıdada jattyǵyp, Djon-Devıdten sabaq alý keremet. Men kún saıyn jaqsy kásibı boksshy bolýyma kómektesetin jańa dúnıelerdi úırenip jatyrmyn. 6 maýsymdaǵy jekpe-jegimdi asyǵa kútip júrmin», - dep oı bólisiti Danıar Eleýsinov.

«Áýesqoı boksta eń bastysy – bal jınaý, biraq men bul kezdesý barysynda Danıardyń jınaqy, qatal, qarsylasyna soqqylaryn barynsha dóp tıgizýdi oılaǵanyn qalaımyn», - deıdi Djon-Devıd Djekson.

Danıar kezdesýin jartylaı aýyr salmaqtaǵy WBA Continental jáne Brıtandyq seriktestiktiń chempıony belbeýine talasatyn Loýrens Okolı men Lúk Ýotkın arasyndaǵy jekpe-jektiń aldynda ótkizedi.