Qazgıdromet aldaǵy úsh kúnge aýa raıy boljamyn usyndy, dep habarlaıdy Qamshy.kz aqparat agenttigi.

"Aqmola men Pavlodar oblystaryna jeksenbi kúni jańbyr jáne qar ákelgen sýyq arktıkalyq fronttar respýblıkanyń shyǵysyna, ońtústik pen ońtústik-shyǵysyna qaraı jyljýda. Osyǵan baılanysty aldaǵy kúnderi jańbyr saqtalady, shyǵysta túnde jańbyr jabysqaq qarǵa ulasýy múmkin", — dep habarlaıdy sınoptıkter. 

Qazaqstannyń batysyna yǵysqan antısıklon yqpalynan jaýyn-shashyn qysqa merzimge toqtaıdy. Antısıklonnyń ornyna Oral aýdandarynan sýyq fronttardyń kelesi júıesi keledi.  

Aldaǵy úsh táýlikte Qazaqstan aýmaǵynda aýa raıynyń kúrt ózgerýi saqtalady. Soltústik oblystarda qaıtadan jańbyrdyń sońy jabysqaq qarǵa ulasyp, úsik bolýy múmkin, al ońtústikte ótkinshi jańbyr jaýyp, kún kúrkireıdi.