Almaty qalasynyń murajaılarynda «Rýhanı jańǵyrý» baǵdarlamasy aıasynda Halyqaralyq mýzeıler kúnine arnalǵan «Murajaı túni» atty merekelik shara ótti. Dástúrge aınalǵan murajaı merekesi bıyl da almatylyqtarǵa kóptegen tosyn syılardy tartý etti. «Almaty qalasy mýzeıler birlestiginiń» alty mýzeıi – Almaty mýzeıi, D.A.Qonaev mýzeıi, N.Tilendıevtiń memorıaldyq mýzeıi, S.Muqanov pen Ǵ.Músirepovtiń ádebı-memorıaldyq mýzeı kesheni, Yqylas atyndaǵy halyq mýzykalyq aspaptar mýzeıi men Mýltımedıalyq dástúrli mýzyka ortalyǵy kórermenderge taqyryptyq kórmeler, sheberlik sabaqtar, kvest oıyndar, baıqaýlar, konserttik baǵdarlamalar, teatrlan­dyrylǵan qoıylymdar, arnaıy mádenı-tanymdyq baǵdarlamalar daıyndady.

Almaty mýzeıiniń zaldary tarıhı oqıǵalardy, sol dáýirdiń kıimderi men turmys-tirshiligin ınteraktıvti túrde kelýshiler nazaryna usyndy. Merekelik sharada kórermender «Jandy mýzeı» ekspozısıasynda M.Áýezov atyndaǵy Qazaq memlekettik akademıalyq drama teatry, Ǵ.Músirepov atyndaǵy Qazaq memle­kettik akademıalyq balalar men jasóspirimder teatry jáne Memlekettik qýyrshaq teatry ártisteriniń ta­rıhı tulǵalardy somdaǵan teatrlandyrylǵan qoıy­lymdaryn tamashalady. Kórermender «Altyn han­shaıym» jáne «HH ǵasyr basyndaǵy Jetisý óńiri: Dórd Almashıdiń muraǵatynan» atty murajaı kórmelerimen tanysty. Bul túni mýzeı ekspozısıasy boıynsha «Murajaı qazynasy» atty kvest uıymdas­tyryldy.

***

Yqylas atyndaǵy halyq mýzykalyq aspaptar mýzeıinde Halyqaralyq mýzeıler kúnine oraı «Ǵasyrlar úni» atty shara ótti. Merekelik shara sheńberinde Qur­man­ǵazy atyndaǵy Qazaq ulttyq konserva­torıasynyń, T.Júrgenov atyndaǵy Qazaq ulttyq óner akademıa­synyń jáne J.Elebekov atyndaǵy respýblı­kalyq estrada jáne sırk kol­ledjiniń stýdentteri «Altybaqan» aıasynda teatr­landyrylǵan qoıylymyn sahnalady. Ásem ánmen árlengen, kúmbirlegen kúımen kómkerilgen «Ǵasyrlar úni» atty gala-konsert jurtshylyqtyń júregine ǵasyrlar sazyn jetkizdi.

Murajaı túninde «Ult rýhanıatyn jasaýshylar» atty derekti fılmniń kórsetilimi boldy. Mýzeıdiń memorıaldyq mýzykalyq aspaptar zalynda mýzykalyq aspaptary saqtalǵan Kenen Ázirbaev, Nurǵısa Tilendıev, Júsipbek Elebekov, Dına Nurpeıisova, Maǵaýıa Hamzın tárizdi óner tulǵalarynyń kóne hronıkalyq beınetaspalary kórsetildi.

Sondaı-aq, bul keshte mýzykalyq aspap jasaýshy sheberlerdiń kórme-jármeńkesi ótti.

***

D.A.Qonaev mýzeıinde «Kósheler syr shertedi» atty ekskýrsıa, «Qonaevtarda shaı ishý» aksıasy, murajaı boıynsha ekskýrsıa sondaı-aq, «Eksponatty tap» atty kvest-oıyny uıymdastyryldy.

***

N.Tilendıevtiń memorıaldy murajaıynda T.Júr­genov atyndaǵy Qazaq ulttyq óner akademıasynyń stýdentteri «Meniń atym Qoja» fılminen úzindi qoıdy.

***

S.Muqanov pen Ǵ.Músirepovtiń ádebı-memorıal­dyq mýzeı kesheninde ótken izgi shara taýdaı tulǵa­lardyń ǵıbratty ǵumyry men shyǵarmashylyq jolyn nasıhattaý maqsatyn kózdedi. Jastar arasynda ótken «Tanys hám beıtanys beıneler» atty kvest oıyny qazaqtyń aqyn-jazýshylarynyń ónegeli ómiri men shyǵarmashylyq baı murasyn nasıhattaýdy murat tutty.    «Asqaqtaı ber, arý qala Astana!» atty suraq-jaý­ap saıysy jastardyń dúnıe-tanymyn tereńdetip, kóńil kókjıegin keńeıtti. «…Jaqsy án men tátti kúı» sazdy baǵdarlamasynda T.Júrgenev atyndaǵy Qazaq ulttyq óner akademıasy kolejiniń jáne Qurman­ǵazy atyndaǵy Qazaq ulttyq konservatorıasynyń  stýdentteri ásem án men tátti kúıden shashý shashty.