«Almatytelekom» ÓTD-da ústel tenısinen týrnır ótti.

«Almatytelekom» ÓTD Alma­ty qalasy men  Almaty oblysy qyzmetkerleri arasynda ústel tenısinen jarys uıymdastyrdy. 

Jarysqa «Almatytelekom» ÓTD-dan erler men áıelder arasynan barlyǵy 34    qyzmetker qatysyp, fılıaldyń eń úzdik oıynshysy ataǵyna talasty.

– Mundaı oıyndar qyzmet­kerlerdiń sportpen shynyǵa túsip, salaýatty ómir saltyn ustanýyna kóp yqpalyn tıgizedi. Oıyn barysynda bizdiń qyzmetkerler energıaǵa toly kúsh-qýatyn kórsete otyryp, jyldam ári kúshti bolýǵa umtylady, – dep atap ótti óz sózinde «Almaty­telekom» ÓTD Bas  dırektory Sherhan Razdy­qov.

Jarys dostyq qarym-qaty­nasta ótkizildi. Jarysqa qatysý­shylar árbir  upaı úshin baq synasty.  Tartysty oıyn nátı­jesi boıynsha oryndar tómen­degideı bólindi.

Eerler arasynda birinshi orynda elektrmehanık Baýyrjan Seıtenov, ekinshi orynda óńirlik satý ortalyǵynyń qyzmetkeri Abylaı Áshirbaı, úshinshi oryn Eńbekshiqazaq jelilik tehnıka­lyq sehynyń qyzmetkeri Semser­bek Haýanǵa buıyrdy.

Áıelder arasynda 1-orynda Energetıka jáne klımatehnıka ortalyǵynyń aǵa elektrmehanıgi Kúlzaıda Sársembekova, 2-oryn­dy korporatıvtik satý ortaly­ǵynyń bólim basshysy Ǵalıa Aıýpova jeńip aldy.  3-orynǵa Qapshaǵaı JTS qyzmetkeri Dınara Qaldybaeva ornyqty.

Barlyq jeńimpazdar baǵaly syılyqtar men marapattarǵa ıe boldy.