Megapolıste «qalalar júr­gin­shiler úshin» qaǵı­dasy aıasynda  uzyndyǵy 30 shaqyrym bolatyn jańa aıaqjoldy jóndeý men salý jumystary bastaldy. Jaıaý júrgin­shiler jolda­ryn retke keltirý jumys­tary shahardyń 157 kóshe­sin jóndeý kezinde de jal­ǵa­syn tappaq.

Kóshe-jol júıelerin jóndeý kezinde  buzylǵan aryq naýalary aýystyrylyp, aımaq kógaldan­dyrylady. Qozǵalysty tejemeı, kólik aǵymyn retteý maqsatynda tek jıektegi turaqtardyń  qalta­lary ǵana abattandyrylady. Jaıaý júrginshiler jolynyń qaýipsizdigin arttyrý úshin kóshe­lerden kirý joldary tarylty­lady. Budan ózge, megapolıs bas­shysynyń tapsyr­masy boıyn­sha  jaıaý júrginshiler qozǵalysyn qıyndatatyn qurylys nysan­dary bar aıaqjoldar anyqtalýda.

Búginde Túrksib aýdany aýma­ǵynda Stahanov kóshesi men Parıj komýna­synda, Shym­kent pen Býdennyı kóshele­riniń bóliginde jańa aıaqjoldar paıda boldy. Áýezov aýdany boıynsha №6 jáne №8 yqshamaý­danda­rynyń birneshe aýlasy­nyń ishinde jaıaý júrginshiler joly paıda­lanýǵa berildi. Al Bos­tandyq aýdany boıynsha Dýna­ev­skıı kóshesi boıymen Jaro­kov pen Hodjanov kósheleri arasyn­daǵy aıaqjoldar iske qosyldy. Osy sekildi jumystar aldaǵy ýaqytta qalanyń barlyq aýdandarynda júrgiziletin bolady.

Aıta keteıik, ekinshi jylǵa jalǵasyp jatqan qalany jań­ǵyrtý aıasynda bıylǵy jazda birqatar negizgi dańǵyldar jańa­rady. Injenerlik ınfraqu­rylymdy jetil­dirý maqsatynda 12 shaqyrymnan astam jylý jelisin aýystyrý josparlanǵan. Sony­men qatar, burynnan ja­ńar­ǵan  455 aýla alańyna qosa, taǵy 585 aýla jónde­ledi.