Bostandyq aýdanynda josparly seısmojattyǵý bolyp ótti. Oǵan Tótenshe jaǵdaılar departamentiniń azamattyq qorǵaý qyzmetteri, densaýlyq saqtaý jáne bilim berý mekemeleriniń ókilderi qatysty.
Tańǵy saǵat 9.30-da patrúldik polısıa avtokóliginiń daýys údetkishimen «Nazar aýdaryńyzdar!» degen habar berildi. Qalalyq Tótenshe jaǵdaılar departamenti ókilderiniń aıtýynsha, osy habarlamany estigen kez-kelgen adam sol sátte turǵan jerindegi jaryqty, kógildir otyndy jáne sýdy óshirýi tıis. Sodan keıin burynnan daıyn turǵan, ishine aýadaı qajetti zattar, qujattar jáne azyq-túlik salynǵan sómkeni alyp syrtqa shyǵý kerek. Sosyn aınalaǵa beı-jaı qaramaı, jasy úlken kisilerge, syrqat jandarǵa kómektesken abzal. Tótenshe jaǵdaıda sharasyzdyq tanytpaı, neǵurlym sergek bolyp, ashyq alańqaıdy qolaılaý kerek.
Qala ákimi turǵyndardyń osyndaı tótenshe jaǵdaılarǵa únemi daıyn bolýy úshin aqparattyq-túsindirý qaǵazdaryn barlyq turǵyn úılerge, ǵımarattarǵa taratý jumystaryn kúsheıtýdi tapsyrǵan bolatyn. Shahar basshysy ásirese, balalar men jastar arasynda túsindirý is-sharalaryn nyǵaıtýdy mindettedi.
Kezekti seısmojattyǵý kezinde qalalyq qutqarý qyzmetiniń kómegimen №93 jalpy bilim beretin mekteptiń alańyna jyljymaly medısınalyq qosyn jáne azyq-túlik, kıim-keshektermen jabdyqtalǵan shatyr quryldy.
Mundaı jattyǵýlar shaharda aıyna bir ret ótip turady.
