Almaty qalasy bilim bas­qar­masynyń «Oqýshylar saraıy»  ákimshiliginiń uıymdastyr­ýymen  «Jigit sultany» baıqaýy ótti. Uıymdas­tyrý­shylar bul jolǵy saıysty «Rýhanı jańǵyrý» baǵdar­lamasymen sabaqtastyrdy.

Ata saltyn ardaqtaıtyn, óz elin súıer naǵyz qazaq jigitiniń qasıetterin boıyna sińire biler urpaqty tárbıeleýde  mańyzy zor bul baıqaý jigitterdi  qanattan­dy­ryp, óneriniń shyńdal­ýyna úlken úlesin tıgizdi.  Eńbekpen qatar qoǵamdyq sharalarǵa belsen­di­lik­pen atsalysqan jigitter jan-jaqtylyǵymen kópshilikti tánti etti. «Ómirge árkimniń-aq bar ta­lasy» degendeı, ár qatysýshy jeńis jo­lyn­da shydap baqty.  Saıysta shar­shy toptyń aldyna shyǵyp  tosyl­ǵandar da boldy, aryny qatty aqyn­dar da boldy. Óz ónerin kórsetýde ózgelerden erek bolǵan Alataý aýdany №178 lıseıdiń  8-synyp oqýshysy Jala­ladın Ábdirásil Bas júldeni ıelen­di.

Osy syndy saıystar uly dala ulandarynyń talabynyń shyńdal­ýyna zor áser etip jatyr. Jas­tardy qanattandyratyn baıqaýlar  ótkizilip tursa, álem toqtaýsyz damyp jatqan zamanda elin súıetin quryshtaı myqty azamattar  kóbeıe­tini sózsiz.