«Órleý» biliktilikti arttyrý ulttyq ortalyǵy» AQ-nyń fılıaly Almaty qalasy boıynsha pedagogıkalyq qyzmetkerlerdiń biliktiligin arttyrý ınstıtýtynda, «Órleýdiń» 2018–2022 jyldarǵa arnalǵan «Týǵan jer. Týǵan el. Týǵan global» respýblıkalyq jobasy aıasynda «Úshtildilik – ulttyq sanany qalyptastyrý jáne rýhanı jańǵyrý» atty pán muǵalimderine arnalǵan respýblıkalyq «dóńgelek ústel» bolyp ótti.
Bilim berý uıymdarynda úshtildilikti engizý máseleleri boıynsha syndarly problemalardy talqylaý jáne tájirıbe almasý maqsatynda uıymdastyrylǵan onlaın rejımindegi is-sharaǵa jalpy orta bilim berý uıymdarynyń basshylary men pán muǵalimderi, «Órleý» BAUO» AQ fılıaldarynyń dırektorlary, PQ BAI kafedralarynyń oqytýshylary jáne bólim qyzmetkerleri, Almaty qalalyq Bilim basqarmasynyń ókilderi qatysty.
Jınalǵandar aldynda sóz alǵan «Órleý» BAUO» AQ fılıaly Almaty qalasy boıynsha PQ BAI dırektory, p.ǵ.d. R.Sadýaqasova bul jıynnyń ózektiligine, birlesken sheshimderdi izdestirý qajettiligine, muǵalimniń kásibı quzyrettiligin jetildirýdiń mańyzdylyǵyna toqtaldy.
«Dóńgelek ústel» basynda hımıa, bıologıa, fızıka pánderin aǵylshyn tilinde oqytýdy engizý, sondaı-aq, oqytý qazaq tildi emes mektepterde «Qazaqstan tarıhy» pánin qazaq tilinde jáne qazaq tilinde oqytatyn mektepterde «Dúnıe júzi tarıhyn» orys tilinde oqytý tájirıbesi talqylandy.
Almaty qalalyq Bilim basqarmasynyń jalpy orta bilim berý bóliminiń bas mamany Qarlyǵash Ábdimanapova Almatyda 8-synyp oqýshylarynyń aǵylshyn tilinde jaratylystaný-matematıkalyq pánderdi ıgerýi boıynsha 27 pılottyq mektep jumys isteýdi bastap ketkenine toqtaldy. Al O.Jandosov atyndaǵy №105 gımnazıa dırektory Álıa Sandyqbaeva pedagogıkalyq ujymnyń kóptildi bilim berýdi damytý jaǵdaıyndaǵy menedjment jáne monıtorıń erekshelikteri týraly aıtty. №34 gımnazıa dırektory Záýresh Beısembaeva úshtildi bilim berýdi engizý jaǵdaıynda semınarlar, koýchıngter arqyly muǵalimniń kásibı quzyrettiligin jetildirýdiń qyr-syrymen bólisti.
