Aǵymdaǵy jylǵy 25 mamyr kúni Azat Perýashev «Aq jol» partıasynyń birqatar basshylarymen jáne fraksıanyń depýtattarymen birge Shymkenttegi «AZALA» kompanıalar tobynyń toqyma klasterine kiretin kásiporyndarda jáne «Jasampaz» konsorsıýmynda bolyp, kompanıa basshylyǵy men eńbek ujymdarymen kezdesti. 

«Aqjoldyqtar» kásiporyndardyń jumysymen tanysyp, kásipkerlermen memlekettik qoldaýdyń qajetti sharalaryn qosa alǵanda, óndiris úshin komýnaldyq qyzmetterge tarıfterdi sýbsıdıalaý, memlekettik satyp alýlar sheńberinde otandyq óndirýshilerdiń múddelerin qorǵaý múmkindigi máselelerin talqylady.

Birlestiktiń dırektory Gúlnara  Sadyqbekova kásipkerler partıasynyń ókilderine klasterdiń ekonomıkalyq kórsetkishterin tanystyra otyryp, óndiristegi keıbir kedergiler týraly aıtyp berdi.

«Aq jol» fraksıasynyń depýtattary áriptesterine naqty usynystardy ázirleýdi usyndy jáne ony pysyqtap zerdelegennen keıin Májilistiń qaraýyndaǵy «Qorǵanys ónerkásibi jáne memlekettik qorǵanys tapsyrysy týraly» zań jobasyna engizýge bastamashylyq etýge daıyn ekendigin bildirdi.

Sonymen qatar, kásiporyndardy aralaǵan is-saparǵa partıa tóraǵasynyń orynbasary Q.Isa, Májilistiń 6 shaqyrylymynyń depýtaty E.Barlybaev, Májilistiń 5-shi shaqyrylymnyń depýtaty A. Turtaev, Partıa Ortalyq keńesiniń múshesi A.Smaǵulov jáne «Aq jol» QDP Ońtústik-Qazaqstan oblystyq fılıalynyń tóraǵasy A.Ábjanov ta qatysty.

Dál sol kúnniń keshinde Túrkistan qalasynda partıanyń Ortalyq Keńesiniń plenýmy ótti.