Almaty qalasynda jańbyrdan bolǵan sý tasqynynan 24 oqıǵa tirkeldi.
Almaty qalasynyń Óńirlik komýnıkasıalar qyzmeti alańynda Almaty qalasy Tótenshe jaǵdaılar departamenti bastyǵynyń orynbasary polkovnık Erlan Álibekulynyń qatysýymen brıfıń ótti.
Erlan Álibekovtyń aıtýynsha, Kazgıdromet málimetteri boıynsha mamyr aıynyń basynda qalanyń aýmaǵynda jańbyr túrinde 76 mm jaýyn shashyn jaýdy, onyń ishinde 12 mamyrda – 14 mm, 13 mamyrda-11 mm-ge,14 mamyrda túske deıin 12 mm –ge deıin jaýyn-shashyn boldy.
Aǵymdaǵy jyldyń mamyr aıynda aýa temperatýrasy 16 S tan joǵary boldy, bir aılyq jaýyn-shashyn mólsheri qalyptan joǵary bolady dep kútilýde, - dep aıtyp ketti óz sózinde.
12-14 mamyr aralyǵynda jańbyrdan bolǵan sý tasqynynyń 24 oqıǵasy tirkeldi, onyń ishinde, jeke úılerde – 5 , jertólelerde- 2, jeke úılerdiń aýlalarynda-8 , kóshelerde- 9 oqıǵa.
Anyqtama úshin:
- Alataý aýdany -7 oqıǵa;
- Almaly aýdany- 3 oqıǵa
- Áýezov aýdany – 2 oqıǵa;
4) Bostandyq aýdany-1 oqıǵa;
5) Jetisý aýdany- 2 oqıǵa;
6) Medeý aýdany- 7 oqıǵa
7) Naýryzbaı aýdany- 1 oqıǵa;
8) Túrksib aýdany- 2 oqıǵa,-dep baıandady Erlan Álibekuly.
Sý tasqynynyń negizgi sebebi aryq júıeleriniń lastanýy
Erlan Álibekovtyń sózinshe, sý tasqynynyń negizgi sebepteri aýdandarda qalaǵa qosylatyn aryq jáne káriz júıeleriniń bolmaýy, sondaı-aq, aryq júıeleriniń lastanýy (9 oqıǵa), kanaldardyń qoqysqa tolyp ketýi. (15 oqıǵa).
Sý tasqyny maýsymynda qaýipsizdikpen qamtamasyz etý maqsatynda, jeke quramnan jalpy sany 70 adam, 6 birlik ár túrli baǵyttaǵy tehnıkalar, 7 birlik motopomp, «109» bóliminiń jeke quramynan -21 adam, 7 birlik tehnıka, ákimdikten jeke quramnan 36 adam qatystyrylyp, 50 dana qaptar tóseldi.
Búgingi kúnge (14 mamyrǵa) 8 sý tasqyny oqıǵasy tirkeldi, olar:
Alataý aýdanynda – 2 oqıǵa, kóshelerdi sý basý – 1 (Shoseınaıa ), aýlalar boıynsha – 1, (Nurpeıisov kóshesi);
Áýezov aýdany boıynsha - Saın kóshesin sý basý oqıǵasy tirkeldi (Raıymbek d. qıylysy);
Bostandyq aýdany boıynsha 1 oqıǵa, Baǵanashyl y.a. Jeltoqsan kóshesi;
Medeý aýdany boıynsha – kóshelerdi sý basýdyń – 3 oqıǵasy tirkeldi.
Olar: Kosmodemámskaıa, Srednáá jáne Qordaı kósheleri;
Naýryzbaı aýdany boıynsha- Jýaly kóshesin sý basý- 1 oqıǵa.
Qazirgi ýaqytta atalǵan ýchaskeler boıynsha sý tasqynyn joıý jumystary júrgizilýde. Jeke quramnan – 20 adam, 7 birlik tehnıka, 4 birlik motopompa,1 birlik sý sorǵysh jumyldyrylyp, 30 dana qap tóseldi.
Ǵımarattardyń qulap, jarylýy týraly oqıǵa tirkelgen joq, - dep atap ótti ol.
Qazgıdromettiń aptalyq sholýyna sáıkes, seısenbi, sársenbi kúnderi jańbyr jaýmaıdy, al beısenbi jáne juma kúnderi jańbyr jaýady dep kútilýde.
Aıta ketý kerek, Almaty qalasynyń sý tasqyny máseleleri júıeli túrde sheshilip otyrady,-dep sózin qorytyndylady Erlan Álibekuly.
