Búgin Almaty qalasynyń Óńirlik komýnıkasıalar qyzmetinde QMDB-nyń Almaty qalasy boıynsha ókil ımamy Erkinbek qarı Shoqaevtyń qatysýymen brıfıń ótti.

Brıfıń barysynda birshama máseleler talqylandy. Barshamyzdy orazaǵa aman-esen jetkizgen qudireti sheksiz Alla Taǵalaǵa sansyz shúkirler men maqtaý-madaqtar bolsyn!

Ramazan – taqýalyq, bereke men birlik, ári meıirim men jaqsylyq aıy. Orazada jasalǵan árbir jaqsy amaldyń saýaby eselenip jazylady. Hadıste aıtylǵandaı, «adam balasynyń barlyq ıgi isteriniń saýaby artady. Árbir jaqsylyqqa on eseden jeti júz esege deıin saýap jazylady».

Ǵylymı zertteýler men sharıǵı mátinderge súıene otyryp, QMDB ǵulamalar keńesi otandyq astronomıalyq zertteý nátıjelerin negizge ala otyryp Ramazan aıynyń birinshi kúni – 17 mamyr dep bekitti. Sondaı-aq, maýsym aıynyń 11-nen 12-ne qaraǵan tún – Qadir túni dep jarıalandy. Aıt merekesi boljam boıynsha 15-shi maýsymǵa sáıkes keledi.

Almaty qalasyndaǵy 8 aýdannyń barlyq meshitterinde keshki aýyzashar dastarhandary jaıylyp, ıftar taratylatyn bolady. Al, Almaty Ortalyq meshitinde kúndelikti 500 adamǵa deıin aýyzashar dastarhanyn uıymdastyrý josparlanýda.

Búgingi kúnge deıin árbir meshitterde dinı saýattaryn kótergen jamaǵatqa arnalǵan «Rabbym! Bilimimdi arttyr!» ıntellektýaldyq saıysy jáne «Ýmra kimge buıyrady?» saıystary Ortalyq meshitte kúndelikti (dúısenbi, seısenbi, beısenbi, juma, senbi kúnderi) asr namazy men aqsham namazdarynyń ortasynda ótkizilip otyratyn bolady.

Sonymen qatar, Almaty qalasyndaǵy 49 meshitte taraýyq namazdary ótkizilse, onyń 45-inde taraýyq namazdarynda Quran Kárim tolyqtaı hatym etiledi.

Meshitterdegi taraýyq namazdarynyń túngi saǵat 24.00-ge deıin jalǵasyp, kesh aıaqtalatyn bolǵandyqtan kelýshi jamaǵattyń úılerine qaıtý máselesi eskerilip, Almaty qalasy ákiminiń qoldaýymen qala boıynsha 4 baǵytqa (Saına kóshesi, Almaty-1 temirjol beketi, Talǵar trassasy jáne Dostyq dańǵyly baǵyttarynda) júretin baǵytty avtobýstar kestesi aǵymdaǵy jyldyń 16 mamyry men 14 maýsym aralyǵynda ár keshte saǵat 24:00-ge deıin sozylady.

Ramazan boıy Almaty qalasy ákimdiginiń qoldaýymen árbir meshitter men jamaǵattyń qaýipsizdikteri İİO qyzmetkerleriniń baqylaýy kúsheıtiledi, - dep málimdeme jasady Almaty qalasynyń bas ımamy Erkinbek qarı Shoqaev.