Bul týraly Almaty qalasynyń Óńirlik komýnıkasıalar qyzmetinde ótken brıfıńte «Damý» KDQ Almaty qalasy fılıaly dırektorynyń orynbasary Edige Marǵulan baıandady.

Edige Marǵulanyń aqparatyna súıensek, aınalym qarajatyn tolyqtyrýǵa baǵyttalǵan kredıtterdi sýbsıdıalaý merzimi sýbsıdıalaý merzimin uzartý quqyǵynsyz  3 jyldy quraıdy.  

Kredıttiń maksımaldy somasy bir kásipker úshin 2,5 mlrd.tenge.

Bıznestiń jol kartasy-2020" bıznesti qoldaý men damytýdyń biryńǵaı baǵdarlamasy boıynsha ekonomıkanyń basym sektorlarynda iske asyrylatyn jobalar boıynsha paıyzdyq mólsherleme sýbsıdıalanady. 

Sondaı-aq, sýbsıdıalaý boıynsha ózgerister engizildi, 180 mln.tengeden aspaıtyn nesıeler boıynsha, qaraý merzimi - 5 jumys kún ishinde Damý qorymen qarastyrylady. 180 mln. teńgeden asatyn nesıeler boıynsha óńirlik baǵdarlama koordınatorymen 21 jumys kúni ishinde qarastyrady.

2017 jylǵy nátıje boıynsha, 148 paıyzdyq mólsherlemeni sýbsıdıalaý klisim shartyna qol qoıyldy. Igerilgen maqsatty transfert somasy 3,719 mln.teńgeni quraıdy. Ónerkásip, kólik jáne saýda salalaryn jetekshi oryn alady.

Kepildeme quraly boıynsha 2017 jyly Almaty qalasynda 43 joba qoldaý aldy, jalpy nesıe somasy 2 496 mln.tenge quraıdy, sonymen birge kepildeme somasy 873 mln.tenge qurady.

Jalpy osy jyly, 1 kvartal esebi boıynsha Almaty qalasynda 24 kepildeme kelisim shartyna qol qoıylyp, kepildeme somasy 339 mln. teńgeni qurady.

 «Damý Optıma» – «Bıznestiń jol kartasy 2020» baǵdarlamasynyń maqsatty tobyna kirmeıtinder úshin arnalǵan. Bul jańa qural saýda, qyzmet kórsetý, qoǵamdyq tamaqtaný oryndary sekildi salalar úshin qoljetimdi bolady.

«Damý Optıma» baǵdarlamasy bank aldynda kepilzaty jetpeıtin kásipkerlerge «Damý» Qorynyń kepildemesin paıdalana otyryp nesıe alýǵa múmkindik beredi.

2016 jyly júzege asyryla bastaǵan «Damý Optıma» baǵdarlamasyna engizilgen ózgerister qatarynda – kásipkerlerge qoıylatyn talaptardy qaıta qaraý, kepildeme berý talaptary, kepildendirýdiń jańa túrlerin engizý men qazirgi qoldanystaǵy túrin damytý da bar. Atap aıtqanda ınvestısıalyq maqsattaǵy nesıeniń esebinen alynǵan kez-kelgen jyljıtyn/jyljymaıtyn múlikti budan bylaı bankke kepildik retinde usynýǵa bolady. Baǵdarlamanyń buǵan deıingi talaby boıynsha mundaı jaǵdaıda úshinshi jaqtyń kepildigi kerek bolyp, kásipkerdiń barlyq kepilzattarynyń 70 paıyzy turaqty jáne ótimdi bolýy mindetteletin edi.

Engizilgen taǵy bir ózgeris – «Damý»-Optıma» baǵdarlamasyna isin jańa bastaǵan kásipkerlerdiń de qoly jetetin bolǵandyǵy. Endi olar bank aldynaǵy kepilzaty jetkiliksiz bolǵan jaǵdaıda Qordan nesıe somasynyń 85 paıyzyna deıin kepildeme ala-alady. İsin jańa bastaǵan kásipkerlerge 30 mln teńgege deıin nesıe beriledi.

Bıznesi júrip turǵan kásipkerler úshin nepildeme somasy burynǵydaı, ıaǵnı nesıe somasynyń 50 paıyzy bolyp qaldy. Bıznesi bar kásipkerler úshin beriletin nesıe somasy – ınvestısıalyq maqsatqa 180 mln teńgege deıin, aınalym qarajatyn tolyqtyrýǵa 60 mln teńgege deıin. Bıznesi bar kásipkerler joba qunynyń 20 paıyzyn ózderi shyǵarýy kerek.

Kepildeme «Damý»-Optıma» baǵdarlamasy boıynsha 2017 jyly joba qoldaý aldy, jalpy nesıe somasy 584 mln.tg, kepildeme somasy 247,6 mln.tg, - dep sózin túıindedi Edige Saýlebekuly.