«Qadam Intech» qoǵamdyq uıymy Almaty qalasy İshki saıasat basqarmasynyń tapsyrysy aıasynda «Astana – uly dala elordasy» atty jýrnalıster men blogerler aralyq baıqaýdy ótkizý boıynsha jobasyn iske asyratynyn habarlaıdy. Baıqaý Astana qalasynyń 20-jyldyq mereıtoıyna arnalmaq.
Almaty qalasy ishki saıasat basqarmasynyń basshysy orynbasary m.a Erkebulan Kenjebulatovtyń aıtýynsha, onyń maqsaty tilshiler qoǵamyn Elordanyń mereıtoıy men ómiri týraly jaryqtandyrýǵa jumyldyrý bolyp tabylady.
Baıqaýdy ótkizýde kelesi 7 nomınasıalar qarastyrylǵan:
- Úzdik televızıalyq sújet;
- Baspa basylymdaryndaǵy úzdik maqala;
- Úzdik radıomaterıal;
- Internet-resýrstardaǵy úzdik materıal;
- Áleýmettik jelidegi úzdik shyǵarylym;
- Úzdik fotomaterıal;
- Úzdik vaın
Jalpy, júlde qory 7 000 000 (jeti mıllıon) teńgeni quraıdy, 1 mıllıon teńge ár nomınasıa boıynsha beriledi.
Baıqaýǵa Astana qalasynyń 20-jyl ishinde jetken jetistikteri men qoǵamdyq-saıası ómiri jáne áleýmettik-ekonomıkalyq damýy týraly jumystar qabyldanady. Sondaı-aq, baıqaýǵa qatysýǵa blogerler men vaınerlerde shaqyrylady.
Baıqaýǵa qatysý úshin www.astana20jyl.kz. resmı saıtynda onlaın ótinish qaldyrý qajet. Ótinishter aǵymdaǵy jyldyń 15 maýsymyna deıin qabyldanady.
Baıqaý komısıasy dıplom men syıaqy alýshylardy kelesi belgiler boıynsha irikteıdi:
- materıaldyń durystyǵy;
- óz oıyn jetkizýdiń sheberligi men kásipqoılyǵy;
- materıaldyń qoǵamda keńinen talqylanýy;
- jumystyń shyǵarmashylyq ózektiligi;
- materıalda kórsetilgen jetistiktiń ózektiligi jáne shyǵarmashylyq taldaýdyń tereńdigi.
Pikir qaldyrý