Almaty qalasy Tilderdi damytý basqarmasy «Rýhanı jańǵyrý» baǵdarlamasy aıasynda úsh tildi qatar meńgergen memlekettik qyzmetshiler arasynda «Til sheberi» qalalyq baıqaýyn ótkizdi.

Baıqaýdyń maqsaty jas mamandarǵa qoldaý kórsete otyryp, til mádenıetin kóterýge yqpal etý, memlekettik qyzmetshilerdiń tildi meńgerýge degen qyzyǵýshylyǵyn arttyrý jáne básekege qabiletti tulǵa tárbıeleý bolyp tabylady.

Jalpy talaptarǵa sáıkes baıqaýǵa qazaq, orys jáne aǵylshyn tilderin jetik meńgergen 21-29 jas aralyǵyndaǵy jıyrmadan astam memlekettik qyzmetshiler qatysty. Almaty qalasy Tilderdi damytý basqarmasy Tilderdi damytý jáne úılestirý bóliminiń basshysy B.Qalymbet, Abaı atyndaǵy QazUPÝ shetel tilderi kafedrasynyń oqytýshysy G.Seıdalıeva, Halyqaralyq bıznes ýnıversıtetiniń dosenti M.Qoıshybaeva, J.Elebekov atyndaǵy respýblıkalyq estrada-sırk koleji Estradalyq aspap bóliminiń meńgerýshisi E.Ábishev baıqaýdyń qazylar alqasynyń quramynda talapkerlerdiń biliktiligin baǵalap, ádil baǵasyn berýge atsalysty.

Almaty qalasynyń alty aýdanynan jınalǵan úmitkerler tórt kezeń boıynsha baıqaý mejesinen ótýleri shart. Ár jaýapqa úsh mınýt ýaqyt berildi. Birinshi kezeń - «Ulttanym». Munda qatysýshylar jerebe barysynda alǵan nómirlerine sáıkes qazaq eli tarıhy men uly tulǵalary jónindegi suraqtarǵa qazaq tilinde jaýap berdi. Ekinshi, «Mádenıettanym» boıynsha qazaq halqynyń salt-dástúri, dili men tili jónindegi suraqtarǵa orys tilinde jaýap talap etildi. Al «Eltanymda» qatysýshylar elimizdiń aımaqtary jónindegi suraqtarǵa aǵylshyn tilinde, al «Ónertanymda»  óz tańdaýy boıynsha án aıtý, kórkemsóz oqyp, bı bılep, ulttyq kıim kıýden jáne erkin ıim úlgisine qatysty ónerlerin kórsetti.

Ozyq shyqqan jeńimpazdar qatarynda A.Bodanova baıqaýdyń bas júldesine ıe bolsa, İ oryndy J.Ahanova, İİ oryndy A.Ibadýlla, İİİ oryndy J.Esmaǵambetova enshiledi. Kesteli sóz atalymynda A.Jylqaıdarov, keleli oı atalymynda L.Japbar jeńimpaz dep tanyldy. Erekshe jaýaptary men ónerleri úshin Q.Saýlan, E.Ánýarbek yntalandyrý syılyǵyna ıe boldy.

Baıqaý barysynda qatysýshylarǵa aldyn ala ázirlengen aýdıo jáne beıne materıaldardy qoldanýyna múmkindik berildi.