Ońtústik Qazaqstan oblysynyń turǵyndary Elbasynyń salaýatty ómir saltyn ustanýǵa úndeıtin jobasyn qoldaıdy. Bul jaıynda Qamshy.kz aqparat agenttigi Ońtústik Qazaqstan oblysy ákimdiginiń baspasóz qyzmetine silteme jasap habarlaıdy.

Shymkent qalasynda respýblıkalyq «Challendj! Seniń jańa qyryń!»  atty sporttyq aksıasy bolyp ótti. Birinshi ret ótkizilip otyrǵan bul ıgi bastama Prezıdentimiz Nursultan Ábishuly Nazarbaevtyń tikeleı qoldaýyna ıe bolyp, búgin elimizdiń barsha óńirlerin qamtýda.

Sporttyq is-sharaǵa da ataqty sport sańlaqtary men stýdentter, sporttyq mektepter jáne qala turǵyndary qatysty. Olardyń bul bastamasy barsha ońtústikqazaqstandyqtarǵa ónege - úlgi bolmaq.  

Aksıany telekópir arqyly Astana qalasynan elimizdiń Mádenıet jáne sport mınıstri Arystanbek Muhamedıuly ashyp berip, barsha qazaqstandyqtardy salaýatty ómir saltyn ustanýǵa úndeıtin sporttyq sharany qoldaýǵa shaqyrdy.

Búginde 700 myńǵa jýyq adam salaýatty ómir saltyn ustanatynyn Ońtústik jurtshylyǵy bul aksıany árdaıym qoldaýǵa daıyn ekendikterin jetkizdi. Alańǵa jınalǵan jastar «Seniń jańa qyryń» aksıasyn qoldaý maqsatynda jalpylama dene jattyǵýlaryn jasap, fleshmob uıymdastyrdy. Sonymen qatar sport mektepterinen jas karateshiler jattyǵý kórsetilimin usyndy.