OQO-daǵy Qoshqar ata ózeni boıyndaǵy qurylys jumystary qarqyndy júrip jatyr. Bul jaıynda Qamshy.kz aqparat agenttigi Ońtústik Qazaqstan oblysy ákimdiginiń baspasóz qyzmetine silteme jasap habarlaıdy.
Ordabasy alańynyń oń jaq betindegi Qoshqar ata ózeniniń 1,2 shaqyrym bolatyn aýmaǵy qoqystan tazartyldy. Jazy aptap ystyq shymkenttikter úshin bul aımaq taptyrmas demalys orny bolatyny sózsiz. Qazirdiń ózinde emdik qasıeti bar sýdyń tazalanǵan bóliginde balalar shomylyp júr.
Osydan aldyn Qoshqar ata ózeniniń aınalasy qoqysqa toly, mańaıynda ornalasqan jergilikti turǵyndar qoqys qaldyqtary men shaıyndy sýlaryn ózenge tógetin las oryn bolǵan. Búgingi tańda bul máseleni oblys basshysy tikeleı baqylaýyna aldy.
Ózen jaǵalaýyn turǵyndardyń kúndelikti serýendeıtin demalys aımaǵyna aınaldyrýdy kózdegen oblys ákimi J.Túımebaev keshe qala basshylyǵymen birge Qoshqar ata ózeni jaǵalaýynda atqarylyp jatqan jumystarmen tanysyp, naqty tapsyrmalar júktedi.
«Eski qalany jańǵyrtý» jobasy aıasynda «Qoshqar-ata» ózeniniń boıy abattandyrylýda. Joba boıynsha onda aldymen ózen jaǵalaýynyń eninen 10 metr, uzyndyǵy 1200 metr jer halyq qydyrystaıtyn demalys ornyna aınalady. Búginde uzyndyǵy 1,2 shaqyrym sý arnasy tazalanyp, oń jaq jaǵalaýyna tolyqtaı aıaq jol salynyp, kógaldandyrylýda.
Budan birneshe jyl buryn ózenniń bastaýynan Ordabasy alańyna deıingi aýmaqta shamamen 1,5 shaqyrym jerde qalpyna keltirý jumystary júrgizilip, abattandyrylǵan bolatyn. Al jalpy Qoshqar ata ózeniniń uzyndyǵy 78 shaqyrymdy quraıdy.
