«Shash al dese bas alyp» nemese «jónge sal dese tezge salyp otyratyn» sheneýnikter men mamandar bizde kóbeıgen ústine kóbeıip bara jatyr. Mine, «Astana-Pavlodar» jolyn jańǵyrtý jumysyn jobalaǵan mamandar da solardyń biri bolyp, Ereımentaý aýdanyndaǵy Óleńti aýyldyq okrýgyna qaraıtyn Qorjynkól stansasynyń turǵyndaryna 11 aı boıy josyqsyz qysastyq jasap otyr.

Bul týraly Májilistegi Halyqtyq komýnıser fraksıasy atynan Úkimet basshysy men Bas prokýrorǵa qaırylýǵa májbúr bolǵan depýtat Aıqyn Qońyrov jarıa etti. Jol salý jumystarymen ulanǵaıyr jerdi qazyp, qoparyp jatqandar magıstraldyń boıyndaǵy eldi mekender turǵyndarynyń mal aıdaýyna, jaıylym men sýǵa jetýine kedergi jasap otyrǵan kórinedi. Sonymen birge bul jumystardyń ushy-qıyry joq, mine 11 aı bolǵan, áli de bitetin túri joq. Sonyń kesirinen turǵyndar maldaryn jaıylymǵa shyǵarý úshin, jem-shóp daıyndaý úshin 50 shaqyrymdaı jerdi aınalyp ótýge májbúr eken. Osyny kórip otyrǵan jergilikti sheneýnikter qoldarynan qaıran bolmaı, aspanǵa qaraıtyn kórinedi. Halyqtyń zaryna joǵarǵy jaq qulaq túretin emes. Sondyqtan turǵyndar depýtattarǵa qaırylypty. Al depýtattar joǵaryda aıtqanymyzdaı joǵary basshylyqqa saýal joldap, máseleni sheshýdi ótindi. Olardyń «Sen salar da men salar» qylmaı qanshama halyqtyń ashý-yzasyn tyıatyn sheshim qabyldanar degen úmiti bar.

S.ELEÝ, sarapshy