Saıası qýǵyn- súrgin jáne asharshylyq qurbandaryn eske alý kúni 1986 jylǵy jeltoqsan oqıǵasyna qatysýshy Qaırat Rysqulbekovtyń «Halyq Qaharmany» ataǵynyń belgisi Almaty murajaıyna berildi. Belgini onyń baýyry Talǵat Rysqulbekov tapsyrdy, dep habarlaıdy Qamshy.kz aqparat agenttigi.
Qaırat Rysqulbekov eń joǵary aýyr úkim - ólim jazasyna kesilip, keıin bul jıyrma jyl bas bostandyǵynan aıyrýǵa aýystyrylǵan bolatyn. Ol Semeıdegi túrmede, jazasyn óteýge ketip bara jatqan jolda qaza tapqan. 1992 jyly qaıtys bolǵan soń aqtalǵan. 1996 jyly Qazaqstan Prezıdentiniń Jarlyǵymen oǵan «Halyq Qaharmany» (Halyq Batyry) ataǵy berildi.
Eske salsaq, búgin Almatyda 1931-1933 jyldarǵy asharshylyq qurbandarynyń eskertkishine gúl shoqtaryn qoıý rásimi ótti, oǵan qoǵam qaıratkerleri, repressıa men asharshylyq qurbandarynyń urpaqtary, úkimettik emes uıymdar ókilderi jáne qala jastary qatysty.
