Almaty oblysynyń densaýlyq saqtaý basqarmasy memlekettik emhanalarda menıngokok ınfeksıasyna qarsy  aqyly vaksınalaý júrgizý múmkindikterin qarastyryp jatyr, dep habarlaıdy  Qamshy.kz aqparat agenttigi.

Bul týraly eldiń bas sanıtarıalyq dárigeri Jandarbek Bekshın málim etti. Onyń aıtýynsha aqyly vaksınalaý júrgizýdiń vaksınanyń baǵasyn arzandatýǵa áseri bolýy múmkin.

Bekshınniń málimeti boıynsha, qazirgi tańda eki jekemenshik uıymda úsh ekpe salý pýnkti bar. Olar jyl saıyn qajylyqqa baratyndarǵa salynatyn vaksınany satyp alǵan.

"Olarǵa 4600 doza vaksına tústi. Bul jeke menshik uıymdar satyp alǵan vaksına mólsheri. Men bilsem, jeke uıymdarda bir vaksına baǵasy - 22500 teńge. Biz osy kompanıaǵa taǵy da vaksına alýyn ótindik. Qazir densaýlyq saqtaý basqarmasy memlekettik emhanalarda aqyly vaksınalaý júrgizý múmkindikterin qarastyryp jatyr. Sebebi emhanalarda baǵany turaqtandyrýǵa barlyq múmkindikter bar. Eger kóterme baǵamen 17 500 teńge bolsa, emhanalarda 19 500 tengeden aqyly vaksına júrgiziledi", - dedi Bekshın.

Dáriger ulttyq kúntizbe boıynsha oba, dıfterıa syndy emdeýdiń basqa múmkindikteri men profılaktıka túri qarastyrylmaǵan ınfeksıalarǵa vaksına júrgiziledi. Al menıngokok ınfeksıasyna epıdemıaǵa qarsy sharalar arqyly profılaktıka júrgizýge bolady dep túsindirdi.

"Múmkindik bolǵan jaǵdaıda aqyly vaksına júrgizýge bolady. Muny árkim ózi sheshedi", dep atap ótti Jandarbek Bekshın.

Esterińizge salsaq, búgin Eljan Birtanov mınıstrliktiń menıngokok vaksınasynyń qymbattaýyna jol bermeıtinin málimdegen bolatyn.