Óskemendegi Dostyq úıi — qoǵamdyq kelisim ortalyǵynda «Qazaq tilindegi 100 jańa oqýlyq» jobasynyń aıasynda oblystaǵy Qazaqstan halyqtary assambleıasy ǵylymı-saraptamalyq tobynyń otyrysy ótti.

Jastarǵa baǵdarlamanyń mańyzyn túsindirý maqsatyndaǵy jıynǵa Dostyq úıi-qoǵamdyq kelisim ortalyǵynyń etnomádenı birlestik jetekshileri men belsendileri, Assambleıanyń Qoǵamdyq kelisim keńesiniń, Analar keńesiniń, ǵylymı-saraptamalyq tobynyń, oblystaǵy «Jańǵyrý joly» jastar shtabynyń músheleri men joǵary oqý oryndarynyń stýdentteri qatysty.

-«Jańa gýmanıtarlyq bilim. Qazaq tilindegi 100 jańa oqýlyq» jobasy qoǵamda qyzý talqylanyp jatyr. Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasyndaǵy bul jobany jastar arasynda keńinen nasıhattaýymyz kerek,-dedi oblystaǵy Qazaqstan halyqtary assambleıasy hatshylyǵynyń meńgerýshisi Asqar Nurǵazıev.- Bul joba aldaǵy birneshe jylda gýmanıtarlyq bilimniń barlyq baǵyttary boıynsha álemdegi eń jaqsy 100 oqýlyqty ártúrli tilderden qazaq tiline aýdaryp, jastarǵa dúnıejúzindegi tańdaýly úlgilerdiń negizinde bilim alýyna múmkindik jasaıdy.

– Adam qanshama til bilgenimen, ózine qajetti aqparatty óziniń ana tilinde alǵanǵa ne jetsin, – deıdi óńirimizge belgili saıasattanýshy Lılıa Stolárova. – Sondyqtan álemdik bestsellerlerdi memlekettik tilge aýdarý – mańyzdy, qajetti, eń bastysy der kezinde jasalǵan qadam boldy. Árıne, bul baǵyttaǵy jumystar áli jalǵasyn tabady.