«Altaı» voleıbol klýbynyń qyzdar komandasy bıyl shilde aıynda Óskemende ótetin Azıa chempıonatyna daıyndyǵyn bastady. Kúni keshe jerlesterimiz kezekti oqý-jattyǵý jıyndaryn ótkizý maqsatynda Túrkıaǵa attandy.
«Altaı» voleıbol klýbynyń sporttyq dırektory Dosjan Ýalhanovtyń habarlaýynsha, túrik elinde altaılyqtar eki aptadan astam ýaqyt bolady. Voleıbolshylarymyz aldaǵy baıraqty básekege daıyndyqtaryn Belek qalasyndaǵy Gloria Sports Arena dep atalatyn zamanaýı dene shynyqtyrý-saýyqtyrý kesheninde júrgizbek. Dál sol jerde komandanyń 14 oıynshydan quralǵan negizgi quramy jasaqtalady dep kútilýde.
Túrkıadan oralǵan soń voleıbolshy qyzdarymyz birneshe reseılik komandamen sparrıng kezdesýler ótkizetin bolady. Bul oıyndar maýsym aıynyń 16-y men 25-i aralyǵynda oınalmaq.
