Jarma aýdanynyń týmasy Pavel Mıtın qazir Germanıa memleketinde turyp jatyr. Ol SHQO-nyń týrısik salasyn Germanıada tanytpaqshy.

Osyǵan oraı Germanıa Federatıvtik Respýblıkasynyń azamaty Pavel Mıtın men SHQO Týrısik aqparattyq ortalyǵy týrısik aqparattyq seriktestik jónindegi memorandýmǵa qol qoıdy. Bul qujattyń aıasynda taraptar SHQO-nyń týrısik áleýeti týraly aqparat almasý, ınvestorlardy tartý, aımaqtyń týrısik ónimin alǵa bastyrý, týrısik baǵyttar qurý jáne delegasıany qabyldaýdy uıymdastyrý sekildi jumystardy atqaryp, ózara tıimdi seriktestikti damytady.

-Bul meniń ózimniń erikti bastamam, — deıdi Pavel Mıtın.-Osy kezeńde eshqandaı maqsat kózdemeımin jáne eshqandaı komersıalyq uıymnan atynan kelip otyrǵan joqpyn. Meniń bastamam Shyǵys Qazaqstandy ózim jıi baratyn elderde tanytýǵa negizdelgen, mysaly Germanıa, Shveısarıa, Avstrıa, Reseı.

Aıta ketsek, nemis ókili Jarma aýdanynyń Qalbataý aýylynda dúnıege kelgen. Germanıaǵa 18 jasynda ketken eken.