Qyrǵyzstan úkimeti men Qytaı Bishkekte eki kelisimge qol qoıdy. Kelisim boıynsha Qytaı Bishkekke qaryzsyz 450 mln ıýán (70 mln-nan astam AQSH dollary) aqsha bólý jóninde kelisimge qol qoıdy. Bul jaıynda Azattyq habarlady.
Qyrǵyzstannyń ekonomıka mınıstrliginiń aıtýynsha, astananyń avtokólik joldaryn jóndeýge arnalǵan jobaǵa Qytaı 350 mln ıýán bólgen.
Taǵy da Kým-Dobo (Kochkor-Bashy), Mynakeldı men Býrana (Balasuǵyn) qalalarynda arheologıalyq qazba jumystaryn júrgizý úshin 100 mln ıýán bólmek.
Ekonomıka mınıstrliginiń túsindirýinshe, Bishkek qalasy joldaryn jóndeý jumystary úsh kezeńmen júzege asady. Qazir birinshi kezeńniń jumystary júrip jatyr eken.
Bıyl atalǵan jobaǵa sáıkes, Bishkekte barlyǵy 105 shaqyrym bolatyn 50 kósheni jóndeýden ótkizedi. Jóndeý jumystaryna bólingen qarjyny Qytaı kómek retinde bergen.
