2 maýsym kúni saǵat 22.30-da áskerı narád jetekshisi efreıtor Erbolat Qarajigitov pen qatardaǵy sarbaz Dıdar Bolat jáne Baısultan Aıapbergenov ózderine tıesili aýmaqta qoǵamdyq tártipti qadaǵalaý qyzmetin atqaryp júrgende áıeline zábir kórsetken er adamdy qolǵa túsirdi, dep habarlaıdy Qamshy.kz aqparat agenttigi.
Áskerıler úıdiń kireberisinen janushyra júgirip shyqqan áıeldi kóredi. Olar qan josa bolǵan sol jaq keýdesin alaqanymen japqan áıelge shuǵyl kómek kórsetti. Áıeldi kúıeýi pyshaqtaǵan.
5516 áskerı bóliminiń sarbazdary bolǵan oqıǵany kezekshi bólimge habarlap, jedel járdem men quqyq qorǵaý organdarynyń ókilderi de shaqyrylady. Jaraqat alǵan áıeldiń jón silteýimen onyń joldasy turǵyn úıdiń kireberisinde turǵan jerinen kúsh qoldaný arqyly tutqyndaldy.
Tekserý nátıjesinde azamattyń spırttik ishimdik paıdalanǵany anyqtaldy jáne ol Temirtaý qalalyq polısıa bólimine jetkizildi.
