Almaty Ortalyq meshitiniń bas ımamym Erkinbek Shohaev Ramazan aıynda oraza ustaǵandarǵa menıngokok vırýsynyń órshýine baılanysty úndeý joldady, dep habarlaıdy Qamshy.kz aqparat agenttigi.

Imamnyń aıtýynsha, qalada menıngokok vırýsymen tirkelgen naýqastardyń kóbeıýine baılanysty aldyn alý sharalary júrgizilip jatyr.

«Vırýstyń órshýine baılanysty aýyz bekitken adam óz boıynan aýrýdyń belgilerin baıqasa, orazasyn toqtatyp, dárigerge tezirek qaralýy tıis. Syrqat asqyna bastasa, naýqas adamǵa orazasyn ashýǵa ruqsat berilgen, - dedi bas ımam.

Imamnyń sózinshe, oraza densaýlyǵyna zıanyn tıgizbeıtinine senimdi bolý úshin aýyz bekitken aldyńǵy Ramazan aılaryndaǵy tájirıbesin esepke alýy nemese bilikti mamandardyń keńesine júginýi tıis. Al qaryz kúnderin basqa aılarda óteýine bolady.

«Oraza tutýshynyń naýqastanyp qalǵanyna qaramastan aýyz bekitýi múlde durys emes. Sebebi densaýlyq – Allanyń amanaty. Biz turǵyndardy Alla amanatyn saqtap, densaýlyqty kútýge shaqyramyz», - dedi ımam.