Qaraǵandyda polısıaǵa jalǵan aqparat berip, bireýge jala japqany úshin 22 jastaǵy qyzǵa qatysty qylmystyq is qozǵalýy múmkin, dep habarlaıdy Qamshy.kz aqparat agenttigi.
Qaraǵandy oblystyq İİD taratqan málimetke sáıkes, qyz mas kúıinde taksıde telefonyn túsirip alǵan. Qyz quqyqqorǵaý organdary joǵalǵan telefondy izdemeıdi dep sheship, «taksı júrgizýshisi oǵan kúsh kórsetip telefondy tartyp aldy» dep polısıaǵa shaǵymdanǵan.
Qaraǵandy oblystyq İİD tekserý barysynda qyzdyń jalǵan aqparat bergenin anyqtaǵan. Qyzdyń ústinen «Jala jabý» boıynsha qylmystyq is qozǵalyp, kinási dáleldense ol 3 jylǵa deıin bas bostandyǵynan aıyrylýy múmkin.
