«Almaty Management University» prezıdenti, qoǵamdyq qaıratker Asylbek Qojahmetov «Qazaqstannyń Azamattyq Alánsy» zańdy tulǵalar birlestiginiń prezıdenti bolyp taǵaıyndaldy.

2018 jyly 5 maýsymda Astanada Qazaqstan Azamattyq Alánsynyń saılaý konferensıasy ótti. Oǵan aımaqtyq úkimettik emes uıymdardyń basshylary qatysty.

Konferensıa barysynda qatysýshylar Asylbek Qojahmetovty «Qazaqstannyń Azamattyq Alánsy» zańdy tulǵalar birlestiginiń jańa prezıdenti etip saılady.

Qazaqstan Azamattyq Alánsynyń prezıdenti laýazymyna Qojahmetov Asylbek Bazarbaıulynyń kandıdatýrasy «Qazaqstannyń aqparattyq-resýrstyq ortalyǵynyń ulttyq júıesi» asosıasıasy túrindegi zańdy tulǵalar birlestigimen usynyldy.

Asylbek Qojahmetov 1958 jyly 22 mamyrda dúnıege kelgen. Ol qazaqstandyq qoǵam qaıratkeri, bıznes-bilim berý jáne menedjment salasyndaǵy sarapshysy, Almaty Management University prezıdenti.

Ol «Qurmet», «Qazaqstan Respýblıkasy Táýelsizdiginiń 20-jyldyǵy» ordenderi jáne AQSH «People to People International» – «Fakel Bırmengema» halyqaralyq uıymdardyń nagradasymen marapattalǵan. Menedjment jáne bilim berýdi damytý jónindegi 60-tan astam ǵylymı jarıalanymdardyń avtory bolyp tabylady.

Qazaqstannyń Azamattyq Alánsy Qazaqstannyń 500-den asa ÚEU biriktiretin eń iri respýblıkalyq úkimettik uıym bolyp tabylady. Uıymnyń júıelik qurylymdary elimizdiń 16 aımaǵynda, onyń ishinde Astana men Almaty qalalarynda jumys jasaıdy. Azamattyq Alánstyń qyzmeti azamattyq ustanymdy damytýǵa jáne qoǵam, bılik pen bıznes arasyndaǵy turaqty seriktestikti qalyptastyrýǵa baǵyttalǵan.

«Qazaqstannyń Azamattyq Alánsy» zańdy tulǵalar birlestiginiń burynǵy prezıdenti Táńirbergen Berdońǵar óz erkimen qyzmetin bosatý týraly ótinish bildirgen.