Densaýlyq saqtaý mınıstri Eljan Birtanov senat tóraǵasy Qasym-Jomart Toqaevtyń menıngıt jaıly pikirine jaýap berdi.

«Iá, turǵyndarmen baıaý jumys istep jatyrmyz, onymen kelisemiz. Sebebi qoǵammen qarym-qatynasta bolý formaty qatty ózgergen. Qazirgi ýaqytta halyqpen áleýmettik jeli arqyly jumys isteý úırenip jatyrmyz», - Birtanov.

Buǵan qosa, epıdemıaǵa qarsy sharalar Densaýlyq saqtaý mınıstrliginiń hattamalary men standarttaryna saı júzege asady.

«Medısınalyq kómek kórsetý uıymdaryna keler bolsaq, biz bárin moıyndaımyz. Bul kemshilikterdiń bárin retteımiz», - dedi Birtanov.

Seısenbide ótken Úkimet otyrysy barysynda Birtanov sol kúni-aq menıngokok ınfeksıasy keń taralǵan Almaty qalasy men Almaty oblysyna jol júrýdi josparlap otyrǵanyn málimdedi. Sonymen qatar mınıstr medısınalyq kómek kórsetetin uıymdardy da tekseretinin aıtty.

Menıngıt saldarynan qaza tapqandardyń jaqyndary men týystaryna kóńil aıtyp, sapary barysynda olarmen kezdesýi múmkin ekenin málimdedi.

Aıta keteıik, Qazaqstanda jyl bastalǵaly 13 adam kóz jumdy. Olardyń altaýy 14 jasqa tolmaǵan balalar. Al ınfeksıadan kóz jumǵandardyń kóbi Almatyda.