Densaýlyq saqtaý mınıstri Eljan Birtanov menıngokok ınfeksıasynan kóz jumǵandardyń otbasylaryna kóńil bildirdi jáne olarmen jolyǵý jospary týraly aıtty, - dep habarlaıdy Tengrinews.kz.
Mınıstr óziniń Almatyǵa saparynyń mán-jaıy týraly ashyp aıtty.
"Biz marqumdardyń otbasyna kóńil aıtamyz. Múmkindiginshe olarmen kezdesý ótkizýge tyrysamyz", - deıdi ol úkimet otyrysynan keıin.
"Birinshi kezekte respýblıkalyq shtabpen josparlanyp, anyqtalǵan sharalardyń iske asyrylý sapasyn baǵalaǵymyz keledi - ol aldyn alý jáne indetke qarsy aýrýlar, Qoǵamdyq densaýlyqty saqtaý komıteti ótkizip jatyr. Ol qanshalyqty nátıjeli ótip jatqanyn. Ekinshi, halyq narazylyn týdyryp jatqan medısınalyq kómekti uıymdastyrý, sonyń ishinde jedel járdemdi de tekserý. Bul Almaty men Almaty oblysynyń densaýlyq saqtaý basqarmasynyń jaýapkershiligi. Jumys júrip jatyr, sol jumysqa baǵa berý qajet", - deıdi Birtanov.
Úkimet otyrysy kezinde premer-mınıstr Baqytjan Saǵyntaev Qazaqstandaǵy menıngokok ınfeksıasyna qatysty esep berýdi talap etti. Óz esebi kezinde Densaýlyq saqtaý mınıstri Almatyǵa baryp, medısınalyq kómekti uıymdastyrýdy tekserý jospary baryn aıtty.
Eske salaıyq, osyǵan deıin 13 adam kóz jumǵan menıngokok ınfeksıasyna Qazaqstanda karantın áli jarıalanbaıdy, Densaýlyq saqtaý mınıstri Eljan Birtanov menıngıtten vaksınasıalaýdy "tıimsiz ári shyǵyny kóp" dedi.
