Jelide Ońtústik Qazaqstan oblysynyń ákimshilik ortalyǵy Shymkent qalasynan Túrkistan qalasyna kóshkeni jaıly aqparat tarady. Aqparattyń rastyǵyn anyqtaý úshin Qamshy.kz aqparat agenttigi tilshisi OQO ákiminiń baspasóz qyzmetiniń jetekshisi Beısen Tájibaevpen baılanysty.
Tájibaevtyń aıtýynsha, aqparat áli naqtylanbaǵan.
"Búgin keshki beste Ońtsútik Qazaqstan oblystyq máslıhatynyń sesıasy shaqyrylyp otyr. "Ońtústik Qazaqstan oblysynyń ortalyǵyn Túrkistan qalasyna kóshirý" máselesi sonda talqylanady. Al jelide taralyp jatqan prezıdent qaýlysy tek joba ǵana", - dedi Beısen Tájibaev Qamshy.kz aqparat agenttiginiń tilshisine.
Aıta keteıik, búgin Shymkent qalalyq máslıhatynyń kezekten tys sesıasynda qalalyq ákimdik pen máslıhat Shymkentke respýblıkalyq mańyzy bar qala mártebesin berý jónindegi sheshimge qol qoıdy. Endi bul qujat Ońtústik Qazaqstan oblystyq máslıhatynyń qaraýyna jiberildi.
