Qazaqstan tarapy Reseıden « Baıqońyr» ǵarysh aılaǵyndaǵy «Zenıt» zymyranyn ushyrýǵa qajetti ınfraqurylymdy qabyldady.

Bul týraly RIA Novostı portaly QR aeroǵarysh óndirisi jáne qorǵanys mınıstrligi aeroǵarysh komıtetiniń atqarýshy dırektory Baýbek Oralmaǵambetovke silteme jasap habarlady. Nysandardy berý prosesi 2018 jyldyń 1 naýryzynan bastalǵan.

Baıqońyrdaǵy «Zenıt» zymyrandy kesheniniń ınfraqurylymyn Reseıden Qazaqstanǵa qaıtarý prosedýrasy 1 maýsymǵa deıin bitýi kerek edi. Alaıda qajetti tıisti qujattarǵa naqty qol qoıý sharalary úsh aıdan alty aıǵa deıin jalǵasýy múmkin.

Oralmaǵambetovtyń aıtýynsha, qazirgi ýaqytta qazaqstandyq tarap Baıqońyr ǵarysh aılaǵynyń 42, 43, 45-alańdaryna 212 nysan qabyldady. Jýyrda taǵy 31 nysan el menshigine ótpek.

«Zenıt» ınfraqurylymyn alǵan soń Qazaqstan bıligi «Baıqońyr» ǵarysh aılaǵynan zymyran ushyrýdy damyta bermek.

Reseı Qazaqstannyń Baıqońyr qalasyn jáne ǵarysh aılaǵyn jalǵa alǵan. Aýmaqtyń jalpy kólemi 6 717 sharshy shaqyrymdy quraıdy.