Ońtústik Qazaqstan oblysynyń ákimshilik ortalyǵy Shymkent qalasynan Túrkistan qalasyna kóshti.   

Búgin  Ońtústik Qazaqstan oblystyq máslıhatynyń sesıasy shaqyryldy. "Ońtústik Qazaqstan oblysynyń ákimshilik ortalyǵyn Túrkistan qalasyna kóshirý" máselesi sonda talqylandy.

Maýsymnyń 2-sinde qala ákimdigi jergilikti turǵyndardyń basyn qosyp, Túrkistan qalasynyń aýmaǵynan aýyldyq okrýgterdiń jalpy aýmaǵy 721 myń gektar jerdi shyǵarý arqyly Túrkistan qalasy shekarasyn ózgertý jáne Ońtústik Qazaqstan oblysynyń ákimshilik ortalyǵyn Shymkent qalasynan Túrkistan qalasyna kóshirý máselesi alǵash ret resmı talqylap, qoǵamdyq tyńdaý ótkizgen edi.

Resmı statısıkalyq málimetterge qaraǵanda, Túrkistanda halyq sany 262 myńnan asady. Turǵyndardyń alpys paıyzdan astamy qazaqtar, qyryq paıyzǵa jýyǵy ózbekter. Qala aýmaǵyna 12 aýyldyq okrýgtegi 40 aýyl kiredi.

Sonymen qatar búgin Shymkent qalalyq máslıhatynyń kezekten tys jıyrma toǵyzynshy sesıasynda depýtattarǵa Shymkent qalasy halqynyń bir mıllıonǵa jetýine oraı, qalaǵa megapolıs statýsyn berý usynyldy.