Aıagóz aýdanynda úsh birdeı eldi mekendi taza aýyz sýmen jabdyqtaý jumystary júrip jatyr.

Aýdannyń Dónenbaı, Keńqolat jáne Eski Maılın aýyldarynda sýmen qamtý eń ózekti máselelerdiń biri bolyp kelgen edi. Keńestik zamanda salynǵan sý jetkizý jelisi eshqashan jóndeý kórmegen bolatyn. Al Eski Maılın aýylynyń turǵyndary munda eshqashan da aýyzsý bolmaǵanyn aıtady. Ár turǵyn ózi úıiniń qasynan qudyq qazyp alǵan. Endi jóndeý jumystary bastalǵanyn kórgen aýyl turǵyndarynyń qýanyshtarynda shek joq.

Dónenbaı aýylynda syrtqy sý qubyry men sýirkýish qurylys alańyn qaıta qurylymdaý júrgizilýde. Jóndeý jumystary jeti jarym aıǵa sozylmaq. Sý ótkizý jelisiniń uzyndyǵy 15 myń metrdi quraıdy, onyń ishinde sý taratqysh eki jeli de bolady.

Al Keńqolat aýylyndaǵy sýmen jabdyqtaý jumystary tipti, sáýir aıynda bastalyp ketken. Segiz adamnan quralǵan brıgada 1800 metr jerge turba ótkizip jatyr.

– Endi bizde aýyz sý bolatyndyǵyna óte qýanyshtymyn. Buryn sýdy bulaqtardan alatyn edik, bóshkelermen tasıtyn edik. Endi úıdiń janynda bolady, — deıdi Keńqolat aýylynyń turǵyny Marat Dúısehanov.

Jumys Eski Maılın aýylynda da qyzyp jatyr. Qazirgi ýaqytta merdiger kompanıa 200 metr transheıa qazyp, sý qoımasynyń, sorǵy jáne uńǵymanyń óziniń 15,7 tekshe metr armırlengen beton negizi quıylǵan. Qalyptaý qalqany ornatylýda. Maýsymnyń otyzyna deıin mundaǵy sý ótkizý jelilerinde taza sý aǵatyn bolady.

Keńqolat jáne Eski Maılın aýyldaryn sýmen jabdyqtaý jumystaryna jergilikti búdjetten, al Dónenbaı aýylyna respýblıkalyq búdjetten qarjy bólinip otyr. Jobalardyń ortaq quny 300 mln. teńgege jýyq.