2018 jyldyń 13-15 shildesinde Petropavl qalasynda Segiz seri Bahramulynyń 200 jyldyǵyna oraı «Er Jánibek» halyqaralyq qoǵamdyq qorynyń jáne SQO ákimdiginiń uıymdastyrýymen dúnıejúzi qazaq jastary arasynda shaǵyn fýtboldan dástúrli «ER JANIBEK CUP-2018» týrnıri ótedi, dep habarlaıdy Qamshy.kz aqparat agenttigi. 

İs-sharanyń basty maqsaty – álem qazaq jastarynyń basyn qosý, olardyń arasyndaǵy qarym-qatynasty nyǵaıtyp, Qazaqstanǵa degen súıispenshiligin arttyrý.

Kezekti týrnırge Fransıa, Germanıa, Italıa, Túrkıa, Qytaı, Reseı, Mońǵolıa, Iran, Ózbekstan jáne Qyrǵyzstandaǵy etınkalyq qazaq jastarynan quralǵan komandalar men Qazaqstannyń ár oblysynan kelgen shaǵyn fýtbol komandalary baq synasady.

Jalpy júlde qory – 2 mıllıon teńge. 1-orynǵa 1 mln teńge, 2-orynǵa 500 myń teńge, 3-orynǵa 300 myń teńge, 4-orynǵa 200 myń teńge kóleminde syıaqy taǵaıyndalǵan.

«Er Jánibek» halyqaralyq qoǵamdyq qory men Soltústik Qazaqstan oblysynyń ákimdigi álemniń ár túkpirindegi qazaq jastaryn Petropavl qalasynda ótetin «ER JANIBEK CUP-2018» týrnırine qatysýǵa jáne barlyq qazaqtildi BAQ ókilderin aqparattyq qoldaý kórsetýge shaqyrady.