25 mamyr – elimizdegi barlyq orta bilim berý mekemeleri úshin erekshe kún. Óıtkeni, dál osy kúni kezekti oqý maýsymy aıaqtalyp, mektep oqýshylary úshin sońǵy qońyraý soǵylady.

Bıylǵy sońǵy qońyraý saltanaty Semeı qalasyndaǵy fızıka-matematıka baǵytyndaǵy Nazarbaev Zıatkerlik mektebi úshin tarıhı oqıǵa deýge bolady. Sebebi, bıyl bilim oshaǵy qabyrǵasynan 12 synypty aıaqtaǵan alǵashqy túlekter úlken ómirge qanattanbaq.
Jalpy osy jyly mektepti 7-12-synyp aralyǵynda bilim alatyn 693 oqýshy oıdaǵydaı aıaqtap otyr. Mektep bitirýshi túlekter sany -137 bala. Olardyń 5-ýi «Altyn belgige», 29-y «Erekshe atestattan» úmitker.

Qazirgi kúnniń ózinde 14 túlek sheteldik jáne otandyq mańdaıaldy oqý oryndarynyń granttaryn utyp aldy.

Olardyń arasynda Gonkongtaǵy Baptıs ýnıversıteti, Abý-Dabıdegi Nú-Iork ýnıversıteti, Loıola Merımaýnt ýnıversıteti, Toronto ýnıversıteti, Sankt-Peterbýrgtegi aqparattyq tehnologıa, mehanıka jáne optıka ulttyq zertteý ýnıversıtinen bólek elimizdegi Halyqaralyq Bıznes ýnıversıteti, Aqparattyq tehnologıa halyqaralyq ýnıversıteti, KIMEP syndy bilim oshaqtary bar.

Búgingi ótkizilgen sońǵy qońyraý sharasy Elbasymyz N.Á.Nazarbaevtyń «Rýhanı jańǵyrý» baǵdarlamasynyń sonymen qatar, Elordamyz Astananyń 20 jyldyǵy, «Nazarbaev Zıatkerlik mektepteri» DBBU 10 jyldyǵy aıasynda oraılastyrylyp otyr.