«Nur Otan» partıasy oblystyq fılıalynyń saıası keńesi búrosynyń kezekti otyrysynda «Rýhanı jańǵyrý» baǵdarlamasynyń Kýrchatov, Zaısan jáne Ulan aýdandarynda iske asyrylý barysy qaraldy.

Jıyn aımaq basshysy, partıa fılıalynyń tóaraǵasy Danıal Ahmetovtiń tóraǵalyǵymen ótti.

Taqyryp boıynsha baıandama jasaǵan Kýrchatov qalasynyń ákimi Almas Ońdaqanov shaharda baǵdarlama aıasynda kıeli oryndardyń,sonymen qatar kópshilikke kórsetýge turarlyq jerlerdiń joq ekenin aıtyp, qatal synǵa qaldy. Ol, sondaı-aq, qalaǵa týrısik maqsatta kelgen adamdardyń sanyn da bilmeıtin bolyp shyqty.

– Álemde 32 «TOKOMAK» reaktory bar, sonyń ekeýi ǵana materıaltaný baǵytynda jumys isteıdi. Sol eki reaktordyń bireýi – naq osy Kýrchatov qalasynda ornalasqan. Meniń oıymsha, oblystaǵy balalardyń bári «TOKOMAK-tyń» ne ekenin bilýi kerek, ony óz kózderimen kórýi tıis. Osy óńirde álemdegi eń úlken ıadrolyq qarýlardy synaqtan ótkizetin polıgon boldy. Ol Elbasy Nursultan Nazarbaevtyń bastamasymen jabyldy. Elimiz atom qarýynan óz erkimen bas tartty. Bul– álemde teńdesi joq tarıhı sheshim, batyl qadam boldy. Osynyń bári – el tarıhy. Kýrchatovta polıgonǵa arnalǵan erekshe murjaı da bar. Al siz bolsańyz Kýrchatovta eshteńe joq dep, qutylǵyńyz keledi, – dep qadap aıtty oblys ákimi.

Aımaq basshysy, qaladaǵy kórneki jerlerdiń syzbasyn jasap, marshýrt ázirleýdi tapsyrdy. Shaharǵa oqýshylardyń temir jolmen jáne avtokólikpen qatynaý múmkindikterin qarastyrýdy tapsyrdy.