Maýsym aıynan bastap SHQO-nyń shalǵaıda jatqan aýyldaryna eki kóshpeli mobıldi ortalyqtar shyǵatyn bolady. Ondaǵy mamandar aýyl halqyn 12 mamandyq boıynsha daıyndaıdy.

SHQO Jumyspen qamtýdy úılestirý jáne áleýmettik baǵdarlamalar basqarmasynyń basshysy Elena Starenkovanyń aıtýynsha, mundaı mobıldi ortalyqtar arqyly elektr-gazben dánekerleýshi, jemis-kókónis ósirýshi, elektr quraldaryn jóndeý men qyzmet kórsetý boıynsha elektromonter, aspaz-kondıter, elektr-esepteýish mashınalardy retteýshi, aıaq kıim tigýshi jáne modeler-úlgishi mamandyqtaryn meńgerýge bolady.

-2018 jyldyń 1 mamyryna jumyspen qamtý boıynsha 13279 adam kómek surady. 12259 adam ár túrli jumystarmen qamtyldy, onyń 10517-si jumysqa turdy, sonyń ishinde 6000 adam turaqty jumys ornyn taýyp otyr, — deıdi Elena Starenkova.