Óskemende jas aqyndar arasynda formaty erekshe jyr dodasy ótti. Dýel úlgisinde ótken saıysta aqyndar Astananyń 20 jyldyǵyn óleńge qosty.
Oblystyq «Shabyt» aqyndar klýby men S.Amanjolov atyndaǵy SHQMÝ-dyń uıymdastyrýymen, Óskemen qalasynyń mádenıet jáne tilderdi damytý bóliminiń qoldaýymen ótken dodaǵa tórt jup aqyn qatysty. Jarys sharty boıynsha kezektesip óleń oqyǵan juptardyń úzdigin qazylar alqasy anyqtady. Osylaısha jıyny segiz aqynnan iriktele kele eki úmitker aqtyq aıqasqa ótti.
«Shabyt» aqyndar klýbynyń jetekshisi Qyzyrbek Dúrginbaıulynyń aıtýynsha, bul shara Shyǵystaǵy talantty shaıyrlardy jalpaq jurtqa ınternet arqyly tanytý maqsatynda uıymdastyrylǵan.
-Dodaǵa túsken segiz aqynnyń kóbi S.Amanjolov atyndaǵy SHQMÝ stýdentteri. Bilim ordasy jýyqta ǵana jas jýrnalıserge arnap ashylǵan teleradıo keshenin usynyp, dýeldi bastan-aıaq túsirip alýǵa jaǵdaı jasap otyr. Keleshekte túsirilim alańynda qoıylǵan saıys ınternet arqyly qalyń oqyrmannyń nazaryna qoıylady. Jas aqyndardy yntalandyrý úshin qalalyq mádenıet jáne tilderdi damytý bólimi baǵaly syılyqtar usyndy, — deıdi ol.
Óleńniń qozy jaýyryn jebesin qarsha boratyp, qarsylas shaq keltirmegen Tasqyn Qalıbekov saıystyń bas júldesin jeńip alsa, Orazaı Jeńisuly birinshi orynnan kórindi. Ekinshi oryn Dáýletberdi Jekeıulyna, úshinshi oryn Balaýsa Melsqyzyna buıyrdy.
