Bıyl SHQO ákimdigi 200 jańa avtobýs satyp alýdy josparlap otyr, ázirge ol avtobýstarǵa kim ıelik etetini jáne halyq ıgiligine jaratý úshin kimge tapsyrylatyny belgisiz.

Oblys ákiminiń aıtýynsha, Óskemendegi eń úlken máselelerdiń biri – qoǵamdyq kólikterdegi  jol aqynyń qymbattyǵy.Osy baǵaǵa sáıkes jolaýshy tasmaldaýshy mekemeler óz tehnıkalaryn jańartpaǵan.

-Óskemendegi qoǵamdyq kólikterdiń jolaqysy elimizdegi eń qymbat tarıf. Bul Astana, Almaty qalalarymen birdeı. Al bizdiń keıbir avtobýs parkteriniń ıeleri jolaqyny taǵy da kótergisi keledi. Olardyń tehnıkalary eski, kóshedegi qoǵamdyq kólikterdiń qozǵalys kestesin de saqtamaıdy sol sebepten olardyń baǵany kóterýge eshqandaı moraldyq quqyqtary joq,-dedi Danıal Ahmetov.

Bıyl osy másele tolyǵymen sheshiledi dep josparlanǵan. Eýropalyq banktiń kómegimen Óskemen jáne Semeı qalalaryna 200-den astam avtobýs ákelinbek. Kúzde bul másele tolyǵymen sheshiledi.

Olar básekege qabiletti baǵamen jumys isteıtin bolady, biz mýnısıpaldyq avtobýs parkin quramyz nemese jańa tehnıkany qala turǵyndarynyń ıgiligine jumys isteı alatyn kásipkerlerge tapsyramyz,-dedi SHQO ákimi.

Sonymen birge avtobýstyń yńǵaıly túri de qaralý ústinde, ıaǵnı kádimgi janarmaımen júretin avtobýstar ma, álde  Óskemende synaqtan ótip jatqan elektrobýstar ma?

-Maǵan elektrobýstar unady. Shyǵyny birneshe esege az, tek satyp alý quny qymbat, biraq ol ózin-ózi aqtaıdy,-dedi ákim.

Aımaq basshysy, sonymen qatar aldaǵy ýaqytta elektrondy bılet máselesi de qaralyp, óz sheshimin tabatynyn aıtty.