Memlekettik eńbek ınspeksıasy jáne kóshi-qon basqarmasy 960 zań buzýshylyqty anyqtady.

Tekserý nátıjesinde eńbek etýshilerdiń quqyqtary taptalǵany anyqtalyp, jumys berýshilerge iri kólemde aıyppul salyndy. Aıyppuldyń jalpy kólemi – 58,2 mıllıon teńge.

«Eńbek etýshilerdiń aılyǵyn keshiktirgeni úshin 227 zańdy tulǵa ákimshilik jaýapkershilikke tartylyp, 45 mıllıon teńge aıyppul tóleıdi. Eńbek kelisiminsiz jumys isteýge jol berip, eńbek demalystaryna jibermegeni úshin 7,9 mıllıon teńge kóleminde 43 aıyppul salyndy. Jumys oryndaryndaǵy zańǵa qaıshy jaǵdaılardy jyly jaýyp, tekserýge deıin aparmaǵany úshin 4,8 mıllıon teńge kólemindegi 18 aıyppul, bos jumys oryndary jaıly durys aqparat bermegeni úshin 499 myń teńge kólemindegi 20 aıyppul salyndy», - dedi Memlekettik eńbek ınspeksıasy jáne kóshi-qon basqarmasynyń basshysy Talǵat Razaqov.

Jumys berýshiler 43,6 mıllıon teńge kólemindegi aıyppuldy ótedi.