«Instagram» servısi qoldanýshylarǵa uzaqtyǵy bir saǵatqa sozylatyn vıdeolardy jarıalaýǵa múmkindik berýi múmkin, dep habarlaıdy Qamshy.kz aqparat agenttigi TASS – qa silteme berip.
Derekkózdiń málimetine súıensek, Facebook ákimshiligi paıdalanýshylarǵa vıdeolardyń uzaqtyǵyn arttyratyn múmkindik qarastyryp jatyr.
Mundaı fýnksıa tiginen túsirilgen vıdeolarǵa arnalyp jasalady. Bul format Instagram Stories fýnksıasynda qoldanylyp júr. Fýnksıanyń kómegimen paıdalanýshylar osy ýaqytqa deıin 15 sekýndtyq vıdeo júktep keldi.
Bir saǵattyq vıdeo jazý múmkindigi tek Instagram Stories-ke arnalyp jasalýy múmkin. Derekkózdiń málimetine saı, fýnksıanyń iske qosylatyn ýaqyty ázirge belgisiz. Facebook ákimshigili áli sheshim qabyldanbaǵanyn jáne jospardyń ózgerip ketýi múmkin ekendigin aıtady.
