Sońǵy jyldary oblysta bilim alyp jatqan stýdentterdiń sany kúrt artty. Soǵan baılanysty jataqhana máselesi týyndady. Sol sebepten óńirdegi joǵarǵy oqý oryndarynyń basshylary elimizdiń Bilim jáne ǵylym mınıstrligimen birilesip, stýdentterdiń turǵyn úı máselesin sheshýdi josparlap otyr.

Aldaǵy jyldary oblysta stýdentterge arnalǵan 11 jataqhana salynady. Búginde memlekettik jáne jekemenshik áriptestik negizinde boı kóteretin nysandardyń joba-jospary jasalýda. Resmı derekterge súıensek, Óskemendegi D.Serikbaev atyndaǵy SHQMTÝ men S.Amanjolov atyndaǵy SHQMÝ-da toǵyz myńǵa jýyq stýdent bilim alýda. Al olardyń teń jartysy ǵana jataqhanada turady.

– Stýdentter úıinde bos oryn bolmaǵandyqtan, páter jaldap turyp jatyrmyn. Aıyna 40 myń teńge tóleımin. Negizi jataqhana eń aldymen kópbalaly otbasynyń balalary men memlekettik grantpen oqýǵa túskenderge beriledi, — deıdi stýdent Toǵjan Meıramhanova.
Búginde oblysta «Serpin» baǵdarlamasy boıynsha ońtústik óńirlerden oqýǵa kelgen bir jarym myń stýdent bilim alýda. Aldaǵy jyldary olardyń qatary taǵy da kóbeımek.