Aýǵanstan soǵysy – barlyq Qazaqstandyqtar úshin tarıhtyń eń qaıǵyly betteriniń biri. Bul kúndi eshkim de, eshqashan umytqan emes. Olaı deıtin sebebimiz osyndan 29 jyl buryn bóten eldiń múddesin qorǵaǵan Aýǵanstandaǵy shekteýli kontıngent áskerleri quramynda Qazaqstannan 22 269 jaýynger ınternasıonaldyq mindetin atqarǵan bolatyn. Solardyń ishinde 924-i surapyl shaıqasta erlikpen qaza tapsa, al 21 adam habar-osharsyz ketti, myńdaǵan azamat túrli jaraqattardyń saldarynan múgedek bolyp qaldy. Sondaı-aq, Semeıden 1185 jaýynger attanyp, 44-i elge oralmady . Biz osyndaı erlik kórsetken, maıdan alańynda jaýmen jaǵa jyrtysqan jaýyngerlerimizdi árdaıym eske alyp, erekshe qurmet kórsetkende ǵana ulttyq rýhymyz asqaqtaı túsetini sózsiz.

Osyǵan oraı, búgin Otan qorǵaýshylar kúni men men Jeńis merekesi kúnine oraılastyrylyp ınternasıonalıs-jaýyngerler eskertkishine gúl shoqtaryn gúl qoıý rásimi ótti. Aıtýly sharaǵa qala ákimi Ermak Sálimov, qart ardagerlerimiz jáne de Semeıdiń bir top belsendi jastary arnaıy qatysyp, Aýǵanstan soǵysynda qaza tapqan semeılik jaýyngerlerdi eske aldy.

—Ardaqta aǵaıyn, qurmetti jerlester7-shi mamyr Otan qorǵaýshylar kúni qutty bolsyn. Bul kún beıbit eldiń tynyshtyǵyn qorǵap, óz taǵdyryn el taǵdyrymen baılanystyryp júrgen árbir áskerı qyzmetshi úshin erekshe kún. Bizdiń otandastarymyz úshin bul mereke batyrlyq pen tabandylyq, otansúıgishtik pen Otanǵa sheksiz qyzmet etýdiń nyshany. Otan qorǵaý — árbir qazaq azamatynyń qasıetti boryshy. Barsha jınalǵan qaýymǵa zor densaýlyq, otbasylyq qut-bereke tileımin. El aman, jurt tynysh, bolashaq jarqyn bolsyn , — dedi Ermak Bıdahmetuly.