Qalamyzdaǵy Shákárim atyndaǵy memlekettik ýnıversıtetinde Astana qalasynyń 20 jyldyq mereıtoıyna oraılastyrylyp, Semeı pikirsaıysshylary arasynda eń myqty, eń uıymshyl býyn ókilderin anyqtaý maqsatynda «Stýdenttik býyndar 2018» qalalyq pikir-saıys týrnıri ótti.

Tartysqa toly jarysta bıylǵy jyldyń pikir-saıys túlekteri «Portýgalıa», 1-shi kýrstar «Belgıa», jas býyndar «Reseı» jáne de orta býyn «Germanıa» quramalary bolyp bólinip, óz aralarynda kil myqtylardy anyqtady. Týrnır barysynda qatysýshylar LD, PDF, Karl-Popper, BPF, APF syndy formattardyń barlyǵyn oınap, ózderiniń jan-jaqtylyǵyn kórsetti.

Árbir raýndta sózdi birde salqyndatyp, birde ottaı jalyndatyp, tapqyrlyqpen sóz sýretin salǵan pikirsaıysshylar «B.P Halyqaralyq aqparat portalyn qurýdy qoldaıdy», «B.P Birikken Ulttar Uıymy tarapynan terrorısterdiń ortalyǵy bolyp tabylatyn «IKS» qalany bombalaýǵa ruqsat beredi», «B.P Qazaqstan Respýblıkasyndaǵy barlyq halyqty biriktiretin eń úlken biriktirýshi kúshti ataıdy»degen qaralarǵa ózderiniń ıdeıalary men tyń oılaryn bildire otyryp, chempıon ataný úshin bar kúshterin saldy.

Jarystyń qorytyndysyna sáıkes, orta býyn atynan shyqqan 3 kýrs stýdentteri jeńis tuǵyrynyń bıik satysyna kóterilip, kýbokty qanjyǵalaryna baılady. Al, komandasyna eń kóp upaı ákelgen «Salaýat» ıntellektýaldy debat klýbynyń jas býyny Ulaǵat Ómek bolsa «Eń Úzdik oıynshy» nomınasıasyn jeńip aldy.