Qaraǵandy oblysy Jezqazǵan qalasy men Ulytaý aýdanynda 12-14 shilde aralyǵynda İ Halyqaralyq «Jezkıik» fólklorlyq ujymdar festıvali ótedi, dep habarlaıdy Qamshy.kz aqparat agenttigi. 

Oblys basshysy Erlan Qoshanov Jezqazǵanǵa jumys sapary barysynda aýqymdy mádenı forýmǵa daıyndyq máseleleri boıynsha jınalys ótkizdi. Qazirgi tańda festıváldiń konsepsıasy men baǵdarlamasy daıyn. Ulytaý aýdanynyń Bolatsaı jerinde qolóner sheberlerine arnalǵan shatyrlar men kıiz úıler tigilgen etnoaýyl qurylady. Munda 13 shildede fólklorlyq mýzyka festıvali ótedi. Oǵan Meksıka, Perý, Polsha, Túrkıa, Fransıa, Shotlandıa, Japonıa, Reseı, Tájikstan jáne Qazaqstannan kásibı ujymdar kelip óner kórsetedi.

14 shildede festıvál Jezqazǵan qalasynyń Keńgir sý qoımasynyń jaǵalaýynda jalǵasady. Munda sharaǵa arnalyp sahna ornatylyp jatyr. Onda ár elden kelip bas qosqan 17 solısiń qatysýymen Klasıkalyq mýzyka festıvali ótpek. Jezqazǵannyń basty kóshelerimen festıválge qatysýshylar sherýi jáne Gala-konsert ótedi dep josparlanýda. Sondaı-aq Keńgir sý qoımasynda jelkendi kemeler Festıvali uıymdastyrylady.

– Bul shara halyqaralyq deńgeıde, jánede oǵan laıyqty daıyndalý qajet. Barlyq tehnıkalyq máselelerdi talqylaý úshin bir aptadan soń Qaraǵandyda bas qosamyz, - dedi Erlan Qoshanov.