QR Prezıdenti Nursultan Nazarbaev Ońtústik Qazaqstan oblysynyń ákimshilik-aýmaqtyq qurylysyndaǵy ózgerister týraly jarlyqqa qoı qoıdy, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.

Ońtústik Qazaqstan oblysynyń ákimshilik-aýmaqtyq qurylysyndaǵy ózgerister týraly

«Qazaqstan Respýblıkasynyń ákimshilik-aýmaqtyq qurylysy týraly» 1993 jylǵy 8 jeltoqsandaǵy Qazaqstan Respýblıkasy Zańynyń 9-babyna sáıkes QAÝLY ETEMİN:

1. Ońtústik Qazaqstan oblysynyń quramynda mynadaı:

1) Ońtústik Qazaqstan oblysynyń Maqtaral aýdanyn bólý jolymen ákimshilik ortalyǵy Jetisaı qalasynda bolatyn Jetisaı aýdany, ákimshilik ortalyǵy Myrzakent kentinde bolatyn Maqtaaral aýdany;

2) Ońtústik Qazaqstan oblysynyń Saryaǵash aýdanyn bólý jolymen ákimshilik ortalyǵy Saryaǵash qalasynda bolatyn Saryaǵash aýdany, ákimshilik ortalyǵy Abaı aýylynda bolatyn Keles aýdany ákimshilik-aýmaqtyq birlikteri qurylsyn.

2. Qazaqstan Respýblıkasynyń Úkimeti osy Jarlyqtyń 1-tarmaǵyn iske asyrý jóninde qajetti sharalar qabyldasyn.

3. Osy Jarlyq alǵashqy resmı jarıalanǵan kúninen bastap qoldanysqa engiziledi.